«Dajcie mnie pyłasos». Vasileŭskaja ŭspomniła, jak rabiła ŭborku na MKS. I raskazała pra sumiesnuju tradycyju z Navickim
Biełaruskaja kaśmičnaja turystka ŭ intervju noi.md parazvažała, ci jość praduziataść z boku mužčyn-kasmanaŭtaŭ da kaleh-žančyn. I paprasiła ŭsiudy zaprašać jaje adrazu z Aleham Navickim.
Pieršaja biełaruskaja kaśmičnaja turystka Maryna Vasileŭskaja raspaviała, što nie sutykałasia z praduziataściu z boku mužčyn-kasmanaŭtaŭ.
Naadvarot, sama Vasileŭskaja vyrašyła prajavić siabie na MKS jak haspadynia.
«Chutčej, heta nie mužčyny, a ja padkreślivała svaju asablivaść jak dziaŭčyna, jak haspadyńka. Adlatajučy sa stancyi, ja razumieła, što chłopcy nie paśpieli zrabić uborku, bo byli vychadnyja — subota i niadziela. Zvyčajna ŭ subotu ładzicca uborka stancyi. Ale my prylacieli i troški źbili ŭsim hrafik, pracavali biez vychadnych.
Kali ja vykanała ŭsiu pracu, to azirnułasia: «Tak, što tut u nas? Niešta ŭ nas brudnavata, usie vientylatary zabityja», — raspaviała Vasileŭskaja.
Jana paprasiła kaleh dać joj pyłasos, kab usio pačyścić.
«I kažu chłopcam: dajcie mnie pyłasos, anučki, ja tut prybiarusia. Uvohule, dumała prybrać adzin siehmient, a ŭ vyniku prybrała ŭsio, u tym liku ŭvieś rasijski siehmient. I z čystym sumleńniem, z pačućciom vykananaha abaviazku, što naviała paradak, palacieła dadomu», — uspomniła Vasileŭskaja.
U hetym ža intervju jana zhadała i kasmanaŭta Aleha Navickaha. Apošnim časam chodziać ustojlivyja čutki, što Vasileŭskaja i Navicki tajemna pabralisia šlubam. Jany paŭsiul źjaŭlajucca razam i nosiać piarścionki.
Raspaviadać pra asabistaje žyćcio Vasileŭskaja nie stała. Ale prapanavała zaprašać jaje ŭsiudy mienavita z Navickim. Tamu što ŭ ich jość «tradycyja jeździć razam».
«Vy zaprašajcie, a my pa mahčymaści naviedajem vašu krainu. Zaprašajcie nas adrazu razam z Aleham Viktaravičam Navickim — u nas užo dobryja tradycyi jeździć razam, tamu budzie cudoŭna», — skazała Vasileŭskaja.
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Kaśmičnaja turystka Maryna Vasileŭskaja vyjšła zamuž za kasmanaŭta Navickaha? Jany nosiać piarścionki
Vasileŭskaja raskazała, ci palacić u kosmas druhi raz
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki13
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary