Łukašenka na Rastvo raptam vyklikaŭ z dakładam kiraŭnika Homielskaj vobłaści
Zvyčajna Łukašenka ŭ hety dzień vystupaje ŭ carkvie. Ale siońnia pačaŭ vychadny z dakładu ad čynoŭnika.
Alaksandr Łukašenka ranicaj na Rastvo zasłuchaŭ padrabiazny dakład kiraŭnika Homielskaha abłvykankama Ivana Krupko.
Hałoŭnaj temaj dakładu stała situacyja ŭ rehijonie ŭ suviazi z bahatymi śniehapadami i nadychodziačym cykłonam — praca pa zabieśpiačeńni ŭstojlivaha funkcyjanavańnia infrastruktury, rasčystka vulic i transpartnych mahistralaŭ. Łukašenka cikaviŭsia, ci treba ŭ suviazi z hetym niejak Homielščynie dapamahčy.
Krupko taksama dałažyŭ ab realizacyi daručeńniaŭ pa vynikach minułahodniaj narady ŭ Viciebsku, dzie abmiarkoŭvalisia pytańni pracy arhanizacyj APK. Dla hetaha ŭ tym liku pryciahvajucca pracoŭnyja resursy prampryjemstvaŭ, jakija akazvajuć sadziejničańnie sielskahaspadarčym arhanizacyjam, piša BiełTA.
Zvyčajna 7 studzienia Łukašenka chodzić u carkvu, a paśla vystupaje z amvona pierad prychadžanami. Ale hetym razam jon vyrašyŭ u vychadny vyklikać čynoŭnika z dakładam.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary