Vinavataha ŭ hibieli dvuch dziaciej u DTZ pad Voranavam pasadzili na 8 hadoŭ
Sud Voranaŭskaha rajona pryhavaryŭ vinavataha ŭ avaryi sa śmiarotnym vynikam da 8 hadoŭ pazbaŭleńnia voli, paviedamlaje Hienieralnaja prakuratura. DTZ adbyłosia 29 maja 2025 hoda i pryviało da hibieli dvuch dziaciej.
Akramia hetaha, mužčynu aštrafavali na 2 700 rubloŭ i pazbavili prava na praciahu vaśmi hadoŭ zajmacca dziejnaściu, źviazanaj z kiravańniem transpartam.
55‑hadovy žychar Babrujska nočču kiravaŭ aŭtaciahnikom u stanie ałkaholnaha apjanieńnia. Pieravyšajučy chutkaść na zakruhleńni darohi, jon vyjechaŭ na sustrečnuju pałasu i sutyknuŭsia z aŭtamabilem «Aŭdzi», u jakim jechali muž z žonkaj i troje małaletnich dziaciej. U vyniku dvoje dziaciej zahinuli, adno atrymała ciažkija traŭmy, baćki abyšlisia mienš ciažkimi paškodžańniami.
Paśla avaryi kiroŭca nie akazaŭ dapamohu paciarpiełym i ŭciok ź miesca zdareńnia. Jon byŭ znojdzieny praz čatyry hadziny ŭ jary za try kiłamietry ad miesca avaryi; miedycynski ahlad pakazaŭ bolš za 1 pramile ałkaholu ŭ kryvi. U kabinie hruzavika znajšli butelki z-pad kańjaku.
Raniej mužčyna ŭžo pryciahvaŭsia da kryminalnaj adkaznaści za DTZ ź ciažkimi nastupstvami i da administracyjnaj adkaznaści za pieravyšeńnie chutkaści, DTZ i pakidańnie miesca zdareńnia. Spačatku jaho abvinavačvali pa artykule za śmierć adnaho čałavieka, ale paśla abvinavačańnie pierakvalifikavali ŭ suviazi sa śmierciu druhoha dziciaci.
Na karyść paciarpiełych sud spahnaŭ kampiensacyju maralnaj škody ŭ pamiery 325 tysiač rubloŭ. Prysud jašče nie ŭstupiŭ u zakonnuju siłu i moža być abskardžany.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary