«Navat sabaka baicca». U Oršy vyrasła hara śmiećcia, ale jaje nichto nie prybiraje
Śmiećcie lažyć užo niekalki dzion. Ale kamunalniki pakul da jaho nie dabralisia.
Žychar Oršy 6 studzienia vyjšaŭ pahulać z sabakam i natrapiŭ na niepryjemnuju karcinu. Na dvare ŭtvaryłasia sapraŭdnaja hara śmiećcia.
Nie prybirali adchody, vidać, užo niekalki dzion. A to i z Novaha hoda.
«Našeście śmiećcia. Heta niejki verchał. Užo lažyć, napeŭna, dzień treci ci čaćviorty. A moža, navat i piaty. Tamu što ja pamiataju, pierad Novym hodam nasypali ŭsio, vyrašyli rezka pazbavicca ad śmiećcia ŭ adzin momant z usich padjezdaŭ, z usich dvaroŭ. Nu voś tak lažyć. Sabaka navat baicca pobač prachodzić», — raspavioŭ aršaniec.
Pavodle jaho słoŭ, takaja hara śmiećcia vyrasła ŭ rajonie ilnozavoda. Ale ŭ kamientarach pačałasia pieraklička žycharoŭ inšych dvaroŭ. Akazałasia, śmiećcie nie prybirajuć pa ŭsim horadzie.
«Pa Oršy i Aršanskim rajonie takaja łuchta ŭžo daŭno, i mier nichto nie prymaje».
«Pieršy mikrarajon — jašče horš, źniała videa dla «Vriemiečka». Z 29‑ha nie prybirali, kantejniery zabirali, a lišniaje śmiećcie nie padmiatali».
«U Aršanskim rajonie toje samaje!»
«2 tydni pryvatny siektar, Zachodniaja — biez vyvazu».
«Na Salanikava, 8 jašče bolš i vyšej».
Praŭda, adznačylisia i ščaśliŭčyki: u kahości navahodniaje śmiećcie ŭsio ž taki vyvieźli paru dzion tamu.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary