Prezident Ukrainy Uładzimir Zialenski zajaviŭ, što Złučanyja Štaty mahli b pravieści śpiecapieracyju pa zachopie kiraŭnika Čačni Ramzana Kadyrava. Na dumku ŭkrainskaha lidara, heta stała b dziejsnym instrumientam cisku na Uładzimira Pucina dla spynieńnia vajny.
Zialenski pravioŭ paraleli ź niadaŭniaj apieracyjaj suprać prezidenta Vieniesueły Nikałasa Madura.
«Kali łaska, voś vam prykład z Madura. Praviali apieracyju. Vynik usie bačyli, uvieś śviet. Zrabili heta chutka. Nu, niachaj jany [ZŠA] praviaduć jakuju-niebudź apieracyju z hetym, jak jaho… z Kadyravym, z hetym zabojcam. Moža, tady Pucin ubačyć heta i zadumajecca», — skazaŭ Zialenski padčas razmovy z žurnalistami.
Prezident Ukrainy padkreśliŭ, što Vašynhton vałodaje ŭsimi nieabchodnymi instrumientami dla realnaha cisku na Rasiju i ŭmieje imi karystacca. Hałoŭnaje, pavodle jaho słoŭ, — kab Ukraina zastavałasia dla ZŠA pryjarytetam.
Zialenski adznačyŭ, što pradstaŭniki kamandy Donalda Trampa viaduć pieramovy z Rasijaj, ale Maskva pakul «krucić nosam». U adkaz na takija pavodziny ŭkrainski lidar papiaredziŭ Kreml: u Kijeva «dastatkova mocnyja» partniory, jakija pry žadańni «mohuć nos adkrucić».
Taksama Zialenski akreśliŭ płan dziejańniaŭ na vypadak, kali dypłamatyčny trek ź mirnym pahadnieńniem nie spracuje praz pazicyju RF. U takim razie Ukrainie spatrebicca maksimalnaja padtrymka dla abarony: sistemy SPA, finansavańnie vytvorčaści dronaŭ i abarona nieba.
«Partniory ŭsio viedajuć. Jany pavinny ruchacca chutčej. Niby vajna nie ŭ nas, a ŭ ich», — reziumavaŭ Zialenski.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary
Taki dzietsad, ale ž šmat jakim ukraincam takoje padabajecca.