Kampartyja: Naš kandydat idzie na vybary nie zamiest, a razam z Łukašenkam
Partyja zapeŭnivaje, što nie źbirajecca vykreślivać z prahramy punkt ab padtrymcy Łukašenki.
Pretendent ad Kampartyi Siarhiej Syrankoŭ nie źbirajecca zmahacca z Łukašenkam za ŭładu.
Taki paradoks utrymlivajecca ŭ zajavie partyi ab vyłučeńni Syrankova.
«Vyłučeńnie KPB svajho kandydata ŭ prezidenty Biełarusi nie aznačaje, što partyja vykreślivaje sa svajoj prahramy punkt ab padtrymcy Łukašenki.
Siarhiej Syrankoŭ idzie na vybary nie zamiest, a razam z prezidentam», — havorycca ŭ zajavie.
U partyi nahadali słovy Łukašenki pra toje, što hramadstvu «treba pryvykać da dumki, što nastanie čas i ŭ krainie budzie novy prezident».
«KPB stroha prytrymlivajecca kursu pierajemnaści z palitykaj Alaksandra Ryhoraviča, jakuju možna realizavać tolki ŭ vypadku pabudovy hramadska-palityčnaha avanhardu, arhanizavanaha nie źvierchu, praź viertykal na zahad, a źnizu, praz mocnuju, samastojnuju inicyjatyvu hramadzian, palityčnych partyj i hramadskich abjadnańniaŭ», — zajaŭlaje Kampartyja.
U svajoj kampanii Syrankoŭ budzie «papularyzavać idei biełaruskaha sacyjalizmu i nastojvać na ich kanstytucyjnym zamacavańni ŭ jakaści dziaržaŭnaj ideałohii Respubliki Biełaruś».
U kamandu Syrankova ŭvachodziać prapahandysty Alaksiej Dziermant i Piotra Piatroŭski, jakija dniami havaryli pa-polsku «Trzeba!»(«Treba!») novamu terminu Łukašenki.
Dziermant i Piatroŭski kryčali «Tšeba!» Łukašenku, ale pryviali ŭ CVK kamunista Syrankova
«Chočuć akružyć fłanhami». Łukašenka raskazaŭ, dziela čaho vyłučajucca Čamadanava i Kanapackaja
CVK zarehistravaŭ inicyjatyŭnyja hrupy Hajdukieviča, Chižniaka i Čamadanavaj
Vučyłasia na nastaŭnicu biełaruskaj movy, stroiła pałkoŭnikaŭ. Šeść faktaŭ pra Volhu Čamadanavu, jakaja idzie na vybary
«Abiacaju, što nie budu zachoplivać uładu niekanstytucyjnym šlacham». Pra što asudžanych za palityku papiaredžvajuć pierad vybarami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary