Biełhidramiet: Kastryčnik u Biełarusi byŭ ciaplejšy, čym zvyčajna
Siaredniaja tempieratura pavietra ŭ Biełarusi za kastryčnik 2024 hoda skłała +8,3°S, što na 1,5°S vyšej za klimatyčnuju normu dla krainy, paviedamili «Sputniku» ŭ Biełhidramiecie.
Pa słovach sinoptykaŭ, kastryčnik 2024 hoda zaniaŭ dziaviataje miesca ŭ rejtynhu samych ciopłych kastryčnikaŭ z pačatku viadzieńnia nazirańniaŭ u 1945 hodzie.
Tempieraturnaja anamalija
Pa infarmacyi Biełhidamieta, na ŭsioj terytoryi Biełarusi ŭ kastryčniku adznačałasia stanoŭčaja tempieraturnaja anamalija ŭ miežach ad 1 da 2°S. Ciopłaje było najbolš u Mahiloŭskaj vobłaści — tut siaredniaja tempieratura była na 1,9°S vyšej za normu.
Bolšaść miesiaca tempieratury ŭ asnoŭnym składali +10..+15°S. U niekatoryja dni na paŭdniova-zachadzie i paŭdniova-ŭschodzie tempieratura pavyšałasia da +20°S — 10 kastryčnika ŭ Pinsku była zafiksavana navat +23,6°S.
Minimalnaja tempieratura ŭ kastryčniku była zarehistravana 20 kastryčnika ŭ Babrujsku — —5°S.
Daždžy
Siaredniaja kolkaść apadkaŭ za miesiac pa krainie skłała 51 milimietr (51 litr na kvadratny mietr), što składaje 94% ad klimatyčnaj normy.
Kamientary