U dziaŭčyny z Hrodna apošnija surjoznyja adnosiny skončylisia hod tamu. Jana vyrašyła, što nadyšoŭ čas chadzić na spatkańni. Ale vyśvietliłasia, što z chłopcami ŭzrostu 22—30 hadoŭ u horadzie kryzis.
Pra składanuju situacyju pošuku błohierka Jana raspaviała ŭ tyktoku:
— Ja pačała dumać ab tym, dzie možna paznajomicca z chłopcam. Ja siadzieła na «Dajvinčyku» (bot u telehramie dla znajomstvaŭ). Heta niejki žach. Mabyć, z tysiačy ankiet, jakija ja bačyła, adekvatnych było maksimum dziesiać. Taksama ja vielmi lublu špacyravać. I kali pachadzić pa horadzie, to vy pierakanajeciesia ŭ tym, što dziaŭčat u čatyry razy bolš.
Dziaŭčyna źviartaje ŭvahu i na naviedvalnikaŭ spartovaj zały, dzie sama zajmajecca. Vynik nazirańniaŭ taksama sumny: pałova prysutnych — heta školniki, a chłopcaŭ, jakija traplajuć va ŭzrostavuju katehoryju Jany, niašmat.
— Pieraškadžaje ŭ pošuku partniora i toje, što moj rost — 175 santymietraŭ. Znajści chłopca, jaki chacia b 180 santymietraŭ, nie vielmi lohka.
U inšym roliku błohierka raspaviała, jak trapiła ŭ niepryjemnuju situacyju ŭ načnym kłubie. Jana pačała razmaŭlać sa svaim znajomym, ale jaje adšturchnuła i abmaciukała inšaja dziaŭčyna, jakoj toj chłopiec spadabaŭsia. Błohierka ličyć, što heta ŭsio taksama vynik vysokaj kankurencyi za chłopcaŭ, jakich u Hrodnie nie chapaje.
Ahułam dva videa nabrali kala 265 tysiač prahladaŭ i spravakavała dyskusiju. Šmat chto z kamientataraŭ adznačyŭ, što chłopcaŭ sapraŭdy stała mienš, bo šmat chto źjechaŭ za miažu.
Niechta z maładych ludziej pryznaŭsia, što bolšuju častku času pravodzić na pracy, a paśla ŭžo nie maje sił na niejkija tusoŭki i znajomstvy. Pryjšli i niekalki mam, jakija paskardzilisia, što syny paśla pracy ŭvieś volny čas pravodziać za kampjutaram, a prymusić ich pajści kudyści pahulać niemahčyma.
Ale byli i cikavyja parady pa pošuku partniora: «Kupicie vudu i schadzicie na Nioman. I ja ŭpeŭnieny, što dadomu vy adna iści nie budziecie. Ćviarozy, na pryrodzie, u cišyni, biez telefona. Chapajcie i nie adpuskajcie».
«Vaj, ty mianie skaryła!» Žurnalistka «Našaj Nivy» prateściravała rasijski anałah Tinder
«Pačućciu humaru i pryhažości dziciaci buduć zajzdrościć vašy siabroŭki i čužyja dzieci». Jak ja šukała donara, kab zaciažaryć
Ci pojdzie biełaruski chłopiec na pieršaje spatkańnie ź nieznajomkaj u restaran, kali jana choča sama apłacić rachunak?
Nie tolki Tinder. Dzie ciapier šukać paru — na ŭsio žyćcio i na adnu noč
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB6
Kamientary
...užas kakoj-to!....
Źniźcie płanku i chłopca chutka znojdziecie.