Tyl Švajhier raskazaŭ, u jakim žanry źniaŭ by film pra Biełaruś. Vy ździviciesia
Viadomy niamiecki akcior i režysior daŭ u Minsku pres-kanfierencyju.
Švajhier pryjechaŭ u Biełaruś dla zdymak rekłamnaha rolika pra dryft. Akcior naviedaŭ našu krainu ŭpieršyniu.
«Mnie było cikava pryjechać u Biełaruś — u Rasii byŭ razoŭ dziesiać, a ŭ vas — ni razu, — tamu što vodhuki čuŭ tolki samyja lepšyja», — raskazaŭ Švajhier.
Akcior zajaviŭ, što pierad pajezdkaj u Biełaruś šukaŭ u internecie infarmacyju pra płošču našaj krainy i kolkaść nasielnictva. Prahulacca pa znakavych słavutaściach Minska jon nie paśpieŭ z-za nasyčanaha hrafiku. Ale jon pakaštavaŭ biełaruskuju kuchniu — jana jamu spadabałasia.
Akramia taho, jon źviarnuŭsia pa dapamohu da biełaruskaha doktara dla pryznačeńnia vitaminaŭ — paśla hetaha Švajhier «jak nanova naradziŭsia», piša BiełTA.
Režysior taksama raskazaŭ, jaki film moh by źniać pra Biełaruś.
«Heta absalutna dakładna byŭ by ekšn. Pavodle siužeta — pomsta hałoŭnaha hieroja za zabituju žonku», — patłumačyŭ Švajhier. U takoj zadumie niechta moža pabačyć i adsyłki da siońniašniaj palityčnaj situacyi i losu tysiačaŭ palitźniavolenych.
Jon dadaŭ, što płanuje jašče kali-niebudź viarnucca ŭ Biełaruś.
Tyl Švajhier viadomy pa rolach u filmach «Dastukacca da niabiosaŭ», «Biassłaŭnyja vyradki», «Krasunčyk» i mnohich inšych.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było9
Kamientary