21-hadovuju biełarusku zhvałcili ŭ adnym z restaranaŭ Sankt-Pieciarburha. Jana ŭ balnicy
Pavodle kamier nazirańnia, kali biełaruska zajšła ŭ tualet u restaranie, uśled za joj adrazu zabieh mužčyna i potym zhvałtavaŭ jaje ŭ kabincy. Spravaj zajmajecca palicyja.
Incydent adbyŭsia minułaj nočču ŭ restaranie «Rezident» u Sankt-Pieciarburhu. 21-hadovaja biełaruska adpačyvała sa svaimi siabroŭkami i ŭ niejki momant joj spatrebiłasia pajści ŭ prybiralniu. Achoŭnik pravodziŭ dziaŭčynu da tualeta i syšoŭ.
Pavodle kamier nazirańnia, vidać, što ŭśled za dziaŭčynaj u prybiralniu zajšoŭ mužčyna. Jon znajšoŭ kabinku, u jakoj była biełaruska, i zhvałtavaŭ jaje, syšoŭšy adtul praz try chviliny. Zatym na pošuki źnikłaj siabroŭki adpravilisia inšyja dziaŭčyny, paviedamlaje rasijski telekanał «78».
Pa padazreńni ŭ hetym zatrymali 36-hadovaha hramadzianina Rasii (uradženca Kyrhyzstana), jaki atrymaŭ hramadzianstva ŭ 2009 hodzie ŭ Jamała-Nienieckaj aŭtanomnaj akruzie. Ciapier mužčyna znachodzicca ŭ SIZA, vyrašajecca pytańnie ab zaviadzieńni suprać jaho kryminalnaj spravy.
Sama biełaruska, jak piša partał «Fantanka» paśla incydentu raspaviała, što ŭ prybiralni jaje vanitavała. Schiliŭšysia nad unitazam, jana pačuła, jak da jaje niechta zajšoŭ. U adzin momant mužčyna prycisnuŭ jaje da ściany i pačaŭ hvałtavać.
Pałavy akt, sa słoŭ biełaruski, doŭžyŭsia kala 2-3 chvilin. Inšaziemiec, jak jana śćviardžaje, skončyć zhvałtavańnie tak i nie zmoh, naciahnuŭ štany i syšoŭ. Sama dziaŭčyna ž zastałasia ŭ kabincy, dzie jaje znajšła siabroŭka i padniała šum.
Pavodle partału, biełarusku advieźli ŭ balnicu na ahlad, jaje vopratku i hienietyčny materyjał mužčyny adpravili na ekśpiertyzu. Śledčy kamitet Rasii čakaje vynikaŭ daśledavańnia pierad zaviadzieńniem kryminalnaj spravy.
Zatrymany mužčyna, u svaju čarhu, śćviardžaje, što ŭ kabinku jon zajšoŭ, kab daviedacca, «jak siabie adčuvaje błandynka».
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary