Pakul Łukašenka skardzicca na biełarusaŭ za luboŭ da Versace, prapahandystka pachvaliłasia ich parfumaj
Zhodna z paradami Łukašenki nie chočuć žyć navat jaho prapahandysty.
Na abłasnych «Dažynkach» u Klimavičach Łukašenkaŭ znoŭ pačaŭ skardzicca na biełarusaŭ. Maŭlaŭ, «rvucca pa Gucci, Versace i inšuju hadaść, a treba nasić svajo. I pryvučać dziaciej da hetaha».
Prykładna ŭ toj ža čas samaja maładaja zorka biełaruskaj prapahandy Darja Račko (jakoj sioleta niechta naliŭ klej u zamok dźviarej) pachvaliłasia ŭ instahramie pakupkaj, jakaja jaje vielmi ŭściešyła. A nabyła jana tualetnuju vadu Versace Bright Crystal.
«Kali mianie pytajuć, na što ja patraciła ŭsie svaje hrošy, — napisała Darja. I dadała: — Ništo tak nie raduje, jak dohlad siabie».
Darečy, u Biełarusi jość svoj brend, jaki robić parfumu — Dilis. Ich pradukty kaštujuć adčuvalna tańniej. U papularnaj sietcy «Załaty jabłyk» tualetnuju vadu Dilis pradajuć ad 18 rubloŭ za 100 mililitraŭ.
Za 30 mililitraŭ Versace Bright Crystal u kramie prosiać kala 177 rubloŭ (heta, śćviardžajecca, sa źnižkaj, zvyčajnaja cana — 235 rubloŭ).
I heta nie adziny prykład, kali naratyvy prapahandy nie supadajuć z žyćciom, da jakoha imkniecca łukašenkaŭskaja elita.
Viadučaja BT Maryja Bahatyr, jakaja ciapier viadzie i «Marafony adzinstva» ŭ roznych haradach krainy, padčas adpačynku ŭ Katary raskazvała pra šopinh u City Centre Doha Mall, dzie možna nabyć rečy takich suśvietna viadomych brendaŭ jak Louis Vuitton, Gucci, Dior (i «inšuju hadaść», kali cytavać Łukašenku).
Darja Hančarevič, uładalnica tytuła «Mis Biełaruś — 2021» i aktyŭnaja ŭdzielnica roznych praŭładnych mierapryjemstvaŭ, lubić adpačyvać u Jeŭropie i fatahrafavacca na fonie bucikoŭ Prada, Gucci i Louis Vuitton.
Dzie sioleta adpačyvajuć Tur, Mirončyk-Ivanova, viadučaja HUBAZiKa dy inšyja łukašysty i jakija hateli jany vybirajuć?
Śpiavaje ŭ karaokie, śniedaje ŭ Drazdach. Čym zajmajecca ŭ volny čas favarytka Łukašenki Uładlena Zajcava
Dzie tusić łukašenkaŭskaja moładź? Pje ŭ «Lebiadzinym», adpačyvaje ŭ Paryžy i Miłanie
Łukašenka: Biełarusy rvucca pa Gucci, Versace i inšuju hadaść
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1
Kamientary