Razmova pra małyja turystyčnyja aŭtobusy marki Avior, jakija źbiraje TAA «KF-Aŭta».
Kampanija raniej naładziła zborku furhonaŭ i małych mikraaŭtobusaŭ nakštałt usim viadomaj «Hazeli». Ciapier ža pradpryjemstva asvoiła vypusk aŭtobusa na 29 miescaŭ: turystyčny Avior Tourist, mižharodni Avior CityLink, a taksama pryharadny varyjant, piša Blizko.by.
Daŭžynia aŭtobusa — 8,47 mietra, technična dapuščalnaja masa — 9.000 kh, kolkaść pasadačnych miescaŭ — 29+1 miesca kiroŭcy.
Ruchavik 4,1-litrovy Weichai WP4.1nq170e61, standartu jeŭra-6. Sa śniežnia 2024-ha aŭtobusy Avior buduć vypuskacca na novym šasi z ruchavikom Yuchai YCS04180 — 50 i 6-stupienčataj miechaničnaj karobkaj pieradač FastGear S6Ј76T, što dazvolić źnizić raschod paliva, pamienšyć uzrovień šumu i vibracyi, a taksama pavialičyć resurs ruchavika. Ź listapada 2024-ha aŭtobus Avior u turystyčnaj viersii vypuskajecca z łabavym škłom z padahrevam.
U cełym aŭtobusy padobnyja na tyja, što vypuskajuć u Biełarusi pad brendam «Nioman».
Marka Avior naležyć kancernu SAIC Motor.
Da hetaha času ŭ Biełarusi aŭtobusy vypuskali dva vytvorcy: MAZ u Minsku i vopytny zavod «Nioman» (filijał MZKC) u Lidzie.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary