Kitajcy vyrabili realny samalot-nievidzimku. Heta moža mieć nastupstvy dla bałansu siłaŭ
Taŭščynioj jak dva arkušy papiery, novy materyjał efiektyŭna «aślaplaje» radary, pahłynajučy elektramahnitnyja chvali, što raniej ličyłasia niemahčymym.
Jak piša South China Morning Post, navukoŭcy z Nacyjanalnaha ŭniviersiteta abaronnych technałohij zmahli raspracavać inavacyjny materyjał, što zdolny efiektyŭna pahłynać elektramahnitnyja chvali, jakija antystełs-radary vykarystoŭvajuć dla znachodžańnia schavanych abjektaŭ.
Jak viadoma, decymietrovyja i mietrovyja chvali, jakija vypramieńvajuć antystełs-radary, mienš raśsiejvajucca i zdolnyja adbivacca navat ad małazaŭvažnych abjektaŭ. Ich nie zdolnyja efiektyŭna pahłynać sučasnyja materyjały, što vykarystoŭvajucca dla pakryćcia stełs-avijacyi. U pieršuju čarhu z-za svajoj niaznačnaj taŭščyni. Kitajskija navukoŭcy zajavili, što zmahli znajści rašeńnie.
Jak pakazali łabaratornyja vyprabavańni, inavacyjny materyjał pad roznym vuhłom efiektyŭna pahłynaje elektramahnitnyja chvali daŭžynioj ad 70 da 20 santymietraŭ, pieraŭtvarajučy ich enierhiju ŭ ciapło. Heta pakryvaje asnoŭnyja častoty, jakija vykarystoŭvajucca antystełs-radarami, što pracujuć u P-dyjapazonie (daŭžynia chvali składaje ad 30 da 100 santymietraŭ) i L-dyjapazonie (15—30 santymietraŭ). Pry hetym jahonaja taŭščynia ekvivalentnaja dvum arkušam papiery.
Pieraŭtvarajučy vypramieńvańnie ŭ ciapło, materyjał minimizuje adbity sihnał, efiektyŭna «aślaplajučy» radary. Heta robić jaho ŭniviersalnym rašeńniem dla abarony stełs-avijacyi i dronaŭ ad sučasnych sistem vyjaŭleńnia.
Śpiecyjalisty adznačajuć, što dasiahnieńnie takoha ŭzroŭniu pahłynańnia pry takich niaznačnych pamierach raniej ličyłasia technična niedasiahalnym.
Raspracoŭščyki adznačajuć, što novy materyjał vyznačajecca lohkaściu, hnutkaściu i prastatoju ŭ masavaj vytvorčaści. Heta robić jaho idealna prydatnym dla vykarystańnia na samalotach i inšych abjektach, jakim dla vykanańnia zadač patrabujecca zdolnaść paźbiehnuć vyjaŭleńnia. Jahonaja małaja vaha nie stvaraje dadatkovaj nahruzki, a hnutkaść dazvalaje pakryvać składanyja pavierchni, zabiaśpiečvajučy efiektyŭnuju abaronu ad radaraŭ.
Kali hetaje rašeńnie ŭdasca vykarystać u vajskovaj avijacyi, heta možna dać Kitaju značnuju pieravahu pierad ZŠA, bo najnoŭšyja amierykanskija samaloty, u tym liku F-35, radaram bačnyja.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary
"Kitaj zajmaje centralnaje miesca na scenie"
"Kitaj stvaryŭ pieršuju kabiel hub sistemu , zdolnuju dasiahnuć nahody haha miesca płaniety"
"Nikoli nie niedaaceńvajcie kitajcaŭ, kaža eks-lidar Sinhapura"
I tak dalej , pra suśvietnuju rolu juania i inšaje
I tak dalej ...
Dumaju, vy ŭsio zrazumieli.