U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy
Da «Našaj Nivy» trapiŭ carkoŭny dakumient — papiera z rekamiendacyjami pa pamiery achviaravańniaŭ u pravasłaŭnych chramach. Toje, što dakumient vyhladaje padobnym da sapraŭdnaha, nam paćvierdzili dźvie krynicy ź biełaruskaha pravasłaŭnaha asiarodździa.
Papiera, pra jakuju idzie havorka, maje nazvu «Prapanovy pa rekamiendavanych pamierach achviaravańniaŭ za spraŭlańnie trebaŭ». Paznačana, što jon składzieny śpiecyjalnaj kamisijaj Minskaj mitrapolii, u jakuju ŭvachodziać čatyry jeparchii — Minskaja, Barysaŭskaja, Maładziečanskaja i Słuckaja.
Toje, što dakumient padobny da sapraŭdnaha, nam paćvierdziła carkoŭnaja ekśpiertka Natalla Vasilevič, a taksama śviatar, jaki raniej słužyŭ u Minskaj jeparchii. Natalla zaŭvažaje, što hetyja rekamiendacyi vyhladajuć jak sproba ŭrehulavać pytańnie z cenami ŭ chramach i papiaredzić złoŭžyvańni, to-bok zanadta vysokija ceny. Na dumku Vasilevič, pytańnie ŭ tym, ci buduć hetyja rekamiendacyi vykonvacca.
Dumku Natalli paćviardžaje i adna z dadatkovych rekamiendacyj na papiery. Pavodle jaje słoŭ, kali ŭ niekatorych chramach užo ciapier prosiać płacić bolš, čym raić kamisija, to treba pakinuć užo isnujučy vysoki taryf.
Taksama ŭ papiery dazvalajuć nastajacielam pavyšać ci panižać ceny, ale nie bolš čym na 10%.
Pierš za ŭsio, u papiery paznačanyja ceny na carkoŭnyja zapiski. Kali vy nie žadajecie abo nie možacie płacić za zapisku fiksavany košt, vam, na dumku śpiecyjalnaj kamisii, musić być dastupnaja tolki zapiska z adnarazovym paminańniem imionaŭ na słužbie, padčas tak zvanaj praskamidyi. Śpis da 20 imionaŭ na praskamidyju rekamiendujuć prymać za luboje achviaravańnie.
Kali havorka idzie pra dva paminańni na słužbie (praskamidyja+iekcieńnia), taki ž śpis rajać prymać za 8 rubloŭ. Sarakavust (paminańnie na 40 słužbach) — 12 rubloŭ za adno imia. U manastyrach i chramach, dzie słužać štodzień, dazvolena prymać zapiski na paŭhoda i hod paminańniaŭ: u pieršym vypadku vy zapłacicie 50 rubloŭ za imia, u druhim — 100 rubloŭ. Zapiski na malebny i panichidy kaštujuć 15-20 rubloŭ, udzieł u saboravańni — 25 rubloŭ.
Vyrašyli pachryścić dzicia? Kamisija rekamienduje ładzić indyvidualnyja chryščeńni, kali heta mahčyma, i prasić za chryščeńnie 150 rubloŭ. U vypadku ź viančańniem rajać abmiežavacca 250 rublami. Kali patrebnaje adpiavańnie, kamisija prapanuje brać 120 rubloŭ za adpiavańnie biez vyjezdu na mohiłki i 150 — z vyjezdam.
Treba adznačyć, što jak minimum u niekatorych chramach z vas mohuć i nie prasić takija hrošy, kali havorka idzie pra chryščeńnie, viančańnie ci adpiavańnie. Jość chramy, dzie zabaroniena prasić hrošy za tainstvy, ale kali vy sami pažadajecie zapłacić choć niešta i heta nie vašy apošnija hrošy, naŭrad ci śviatary buduć suprać. Kali vam składana zapłacić takuju sumu, vy taksama možacie pasprabavać damovicca sa śviatarom, kab ničoha nie płacić ci płacić mienš, ale naŭrad ci heta spracuje ŭ vypadku z zapiskami.
Jašče ŭ papiery paznačanyja košty na vyraby pad numarami 120, 100, 80 i h.d. — nam paćvierdzili, što, chutčej za ŭsio, havorka pra śviečy.
Śviečki dvuch samych małych pamieraŭ, 120 i 100, vam rekamiendavana pradać za achviaravańnie, to-bok za lubyja hrošy, jakija paličycie patrebnymi. Dalej cana budzie składać ad 2 da 12 rubloŭ za śviaču.
Dla paraŭnańnia pahladzim, kolki kaštujuć śviečy optam u rasijskaha handlovaha doma «Sofryna», dzie ich kuplajuć šmat prychodaŭ RPC.
Kamisija Minskaj mitrapolii raić pradavać śviečy pad numaram 80 pa 2 rubli za štuku. Na sajcie «Sofryna» hetyja śviečy pradstaŭlenyja ŭ niekalkich viersijach i kaštujuć ad 7 da 13 kapiejek.
«Naša Niva» — bastyjon biełaruščyny
PADTRYMAĆ
Kamientary
mafija