Aficyjoznuju palitinfarmacyju stali pravodzić i na pryvatnych pradpryjemstvach
Tak zvany adziny dzień infarmavańnia, jaki štomiesiac pravodziać u kalektyvach dziaržaŭnych arhanizacyj i pradpryjemstvaŭ, stali raspaŭsiudžvać i na pryvatnyja struktury, zaŭvažyŭ «Fłahštok».
Upieršyniu ideołahi pryjšli na bujnyja homielskija pradpryjemstvy, a ŭ rajcentrach Homielščyny na takija «dni infarmavańnia» źbirali miascovych pradprymalnikaŭ. Temaj listapadaŭskaj prapahandy stali vybary Alaksandra Łukašenki, jakija majuć adbycca ŭ studzieni.
Spravazdačy pra «infarmavańnie» «Fłahštok» zaŭvažyŭ u rajonnych hazietach i na staroncy homielskaj pryvatnaj kampanii «Ałkopak» — heta vytvorca zakarkovačnaj pradukcyi i vyrabaŭ miedycynskaha pryznačeńnia.
Kab słavić Łukašenku i pierakonvać pryjści na vybarčyja ŭčastki, na «Ałkapak» pryjazdžaŭ načalnik Hałoŭnaha ŭpraŭleńnia pa achovie zdaroŭja Homielskaha abłvykankama Siarhiej Bieły. Raniej spravazdač pra padobnyja sustrečy nie było — pošuk pa staroncy «Ałkapaka» vydaŭ tolki adnu publikacyju-za 21 listapada 2024 hoda.
Pavodle źviestak «Fłahštoka», palitinfarmacyju ŭ listapadzie pravodzili i na inšych bujnych pryvatnych pradpryjemstvach Homiela — naprykład, «Mirtek», «Kaštan». Hetym taksama zajmalisia čynoŭniki ŭzroŭniu namieśnikaŭ staršyni abłvykankama.
HUBAZiK pahražaje Mikitu Miełkazioravu — za hrubyja słovy pra Panamarenku. A prapahandyst Kazakoŭ zaklikaje rasstralać
«Dalaraŭ stolki, što choć piečku imi pali». Azaronak na kamieru spaliŭ kupiuru ŭ 1 dalar
Prapahandysty pračytali novuju lekcyju za Łukašenku pad nazvaj «Dyktat? Ura!»
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta
Prapahandysty vypadkova paviedamili, kolki płaciać za stvareńnie kryndžovych stykieraŭ da Dnia narodnaha adzinstva
Kamientary