HUBAZiK pahražaje Mikitu Miełkazioravu — za hrubyja słovy pra Panamarenku. A prapahandyst Kazakoŭ zaklikaje rasstralać
Abureńnie vyklikała toje, što Miełkazioraŭ nazvaŭ partyjnaha dziejača časoŭ SSSR Pancielajmona Panamarenku «kavałkam łajna».
HUBAZiK pahražaje błohieru Mikitu Miełkazioravu. U svaim telehram-kanale siłaviki napisali, što pieratrusy i dopyty rodnych žurnalista Miełkaziorava buduć praviedzienyja z asablivym staŭleńniem.
Taksama jamu pahražajuć «kvaternym pytańniem» — heta kali HUBAZiK hramić kvatery ludziej i zdymaje heta na videa.
Prapahandyst Kirył Kazakoŭ, namieśnik hienieralnaha dyrektara ahienctva «Minsk-Naviny» i hałoŭny redaktar haziety «Minski kurjer», taksama nakinuŭsia na błohiera Mikitu Miełkaziorava.
«Dla takich, jak Mikita Miełkazioraŭ, mnie padajecca, treba ŭ indyvidualnym paradku ŭvodzić vajennaje stanovišča — i sud-trojka i rasstreł na miescy. Vyklučny śpis dla takoha haŭna treba ŭvodzić pry luboj mahčymaści znachodžańnia na terytoryi Biełarusi.
Kali heta žyviolina zachoča kali-niebudź pamianiać biełaruski pašpart, kali heta žyviolina narešcie zachoča pamianiać sabie zuby, kali prosta heta žyviolina niejkim čynam pasprabuje nazvać siabie jašče biełarusam, ja ŭ pryncypie hatovy vystupić adnym z členaŭ hetaj trojki dla taho, kab asabista hetu žyviolinu zžyć sa śvietu», — abraźliva vykazaŭsia Kazakoŭ.
Jon zajaviŭ, što siabry i znajomyja błohiera «pavinny vyračysia hetaha čałavieka publična».
«Takich ludziej sapraŭdy treba stralać», — paŭtaryŭ Kazakoŭ.
Takuju reakcyju vyklikali słovy Miełkaziorava z vypusku pra Pancielajmona Panamarenku. Błohier nazvaŭ dziejača «kavałkam łajna», bo toj byŭ rusifikataram. U liście da Stalina «O biełorusskom jazykie, litieraturie i pisatielach» Panamarenka vystupaŭ suprać biełaruskaj movy (Panamarenka byŭ uradžencam Kubani), piśmieńnikaŭ Janki Kupały, Pietrusia Broŭki, Kandrata Krapivy i inšych.
Razam z tym, kali paśla Druhoj suśvietnaj vajny Stalin chacieŭ pieradać RSFSR Połackuju vobłaść, Panamarenka zmoh Połack adstajać i vobłaść zastałasia ŭ składzie BSSR.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary