Prapahandysty vypadkova paviedamili, kolki płaciać za stvareńnie kryndžovych stykieraŭ da Dnia narodnaha adzinstva
Na stvareńni takoha kreatyŭnaha kantentu šmat nie zarobiš.
Ranicaj 25 listapada ŭ telehram-akaŭncie dziaržaŭnaha infarmahienctva «Minsk-Naviny» źjaviŭsia dopis z dakumientam, ź jakoha stała viadoma, chto stvaryŭ stykiery ŭ telehram i vajbiery da tak zvanaha Dnia narodnaha adzinstva.
Heta dakładnaja zapiska, napisanaja namieśnikam hałoŭnaha redaktara, jaki kiruje adździełam vypusku i SMM, jon padpisany jak A. R. Anisimaŭ. Napisanaja jana na imia pieršaha namieśnika «Minsk-Navinaŭ» Andreja Basa.
Tam paviedamlajecca, što stykiery dla telehrama i vajbiera stvaryła redaktarka dziciačaha časopisa «Areli» Darja Žaŭtarovič. Za hetyja 13 stykieraŭ joj prapanujuć vypisać premiju pamieram 150 rubloŭ.
Taksama 100 rubloŭ prapanujuć vypłacić redaktaru techničnaha adździeła vypusku i SMM infarmacyjnaha ahienctva «Minsk-Naviny» Volzie Łukaševič. Jana «zajmałasia pošukam i padboram vizuałaŭ» dla stykierpaka.
«Stykierpak raźmieščany ŭ miesiendžarach dla pryciahnieńnia ŭvahi aŭdytoryi da kanała. Stvorany pa zadańni hiendyrektara», — padsumoŭvajecca ŭ dakumiencie.
Kiruje «Minsk-Navinami», jak i praŭładnym Biełaruskim sajuzam žurnalistam, uradženiec rasijskaha Vałhahrada Andrej Kryvašejeŭ.
«Naša Niva» — bastyjon biełaruščyny
PADTRYMAĆMilicejski telehram-kanał, dzie publikujuć videa z represavanymi, vypadkova vydaŭ svaich adminaŭ
Milicyjant, jaki viadzie kanał viciebskaha HUBAZiKa, vypadkova vydaŭ siabie
Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
Kamientary
Adzinaje ŭ čym abjadnalisia biełarusy tak heta ŭ nienaviści da klataha Łukašenka i jahonaha klataha vyvadka.