Prezident Ukrainy dapuściŭ, što kraina moža pajści na spynieńnie ahniu z Rasijaj navat biez vyzvaleńnia ŭsich ukrainskich terytoryj, kali padkantrolnaja ciapier Kijevu terytoryja Ukrainy budzie «pad dacham NATO. Ab hetym jon zajaviŭ u intervju brytanskamu telekanału Sky News.
Fota: Efrem Lukatsky / AP
Viartańnie ŭsioj mižnarodna pryznanaj terytoryi Ukrainy, uklučajučy anieksavany Krym i akupavanyja Rasijaj častki terytoryj inšych abłaściej, — aficyjna zajaŭlenaja meta Ukrainy ŭ vajnie. U Kijevie nieadnarazova zajavili, što dziela mirnaj damovy nie admoviacca ad terytoryj.
Sa słoŭ Zialenskaha vynikaje, što Ukraina pa-raniejšamu nie hatova admovicca ad ich de-jure, jak taho patrabuje Rasija. Prezident Ukrainy ličyć, što jany mohuć być viarnuty paźniej «dypłamatyčnym šlacham».
Pavodle słoŭ Zialenskaha, zaprašeńnie Ukrainy ŭ NATO, u jakim budzie skazana, što NATO pryznaje jurydyčna isnujučyja miežy Ukrainy, moža pakłaści kaniec «haračaj fazie» vajny.
Jon taksama adznačyŭ, što takoje zaprašeńnie pavinna nastupić «chutka». Kožnaja damoŭlenaść ab spynieńni ahniu pavinna harantavać, što Rasija nie zachopić novyja ŭkrainskija terytoryi.
Takuju harantyju, na dumku Zialenskaha, moža dać zaprašeńnie ŭ NATO. Hetaje zaprašeńnie — pieršy punkt tak zvanaj prahramy pieramohi, raniej pradstaŭlenaj Zialenskim zachodnim lideram. Pavodle šerahu paviedamleńniaŭ, nie ŭsie krainy NATO hatovy zaraz zaprasić Ukrainu ŭ sajuz.
Zialenski taksama skazaŭ, što maje namier niepasredna kamunikavać z abrany prezidentam ZŠA Donaldam Trampam i raźličvaje na jaho padtrymku. Jon zajaviŭ, što važny mienavita pramyja znosiny, adznačyŭšy, što ŭ akružeńni Trampa hučać roznyja hałasy.
Pad kantrolem Rasii zaraz znachodzicca kala piataj mižnarodna pryznanaj terytoryi Ukrainy. Akramia Kryma, heta vialikaja častka Danieckaj, Łuhanskaj, Zaparožskaj i Chiersonskaj abłaściej, jakija Rasija ličyć svajoj terytoryjaj, a taksama častka Charkaŭskaj vobłaści. Ukraina, u svaju čarhu, kantraluje nievialiki ŭčastak rasijskaj Kurskaj vobłaści.
Rasijski prezident Uładzimir Pucin nazyvaŭ umovaj pačatku pieramoŭ ab miry admovu Ukrainy ad Kryma i čatyroch abłaściej i ad ustupleńnia ŭ NATO. U Maskvy jość i inšyja patrabavańni da Kijeva, nahadvaje Radyjo Svaboda.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod41
Kamientary
Pese. Chaj užotŭkry admłviacca ad terytoryj, a toje na maskaloŭ honiać chvalu, a sami ž pra krym mrojać