U Polščy jość svaje siostry Hruździevy — siostry Hadleŭskija VIDEA
Dziaŭčaty prasłavilisia źniešnim vyhladam i vykanańniem kavieraŭ nie tolki na viadomyja pieśni, ale i himn Polščy.
Małhažata (Hosia) i Eśmieralda (Monika) u 2018-2019 hadach byli vielmi papularnyja ŭ Polščy. Na ich historyju źviarnuli ŭvahu aŭtary jutub-šou «O(b)suždajem».
Viadoma, što dziaŭčaty naradzilisia ŭ šmatdzietnaj siamji. Jany majuć jašče troch siaścior i traich bratoŭ. Šlach da papularnaści pačaŭsia ŭ kancy 2017 hoda, kali Małhažata vykanała adnu ź piesień Sielin Dyjon i vykłała zapis u sacyjalnych sietkach. Paźniej jana praciahnuła rabić kaviery na inšyja pieśni razam sa svajoj siastroj Eśmieraldaj, jakaja da hetaha ŭžo sprabavała prabicca ŭ šou-biznes.
Eśmieralda, naprykład, prymała ŭdzieł u šou Ex na plaży — polskaj viersii papularnaha brytanskaha realici-šou Ex on the Beach. U šou Eśmieralda prezientavała siabie jak «upeŭnienuju ŭ sabie raźviedzienuju žančynu, jakaja ćviorda staić na nahach i lubić manipulavać mužčynami».
Siostry vypuścili niekalki sumiesnych trekaŭ. Siarod ich — vinšavańnie z dniom naradžeńnia prezidenta Polščy Andžeja Dudy. Pry sumnieŭnych vakalnych danych žančyny źviartali na siabie ŭvahu płastykaj tvaru. U hetym ich kansultavała starejšaja siastra Mahdalena.
Nieŭzabavie dziaŭčaty pačali źjaŭlacca na varšaŭskich śvieckich mierapryjemstvach, udzielničać u ranišnich šou i inšych televizijnych prahramach, pašyrajučy svaju aŭdytoryju.
U 2018 hodzie siostry Hadleŭskija anansavali svaje pieršyja kancerty pa ŭsioj Polščy. Ale ni adzin ź ich nie adbyŭsia. Paźniej jany anansavali vystup ź simfaničnym arkiestram pad kiraŭnictvam znakamitaha niamieckaha kampazitara i muzyčnaha pradziusara Chansa Cymiera. Ale dalej za razmovy sprava nie pajšła.
Duet Małhažaty i Eśmieraldy isnavaŭ da 2019 hoda, pakul pamiž siostrami nie adbyŭsia kanflikt.
Jak pisali polskija ŚMI, Hadleŭskija pavinny byli lacieć u Amsterdam na kancert, ale pasvarylisia ŭ varšaŭskim aeraporcie imia Šapena. Jany pryjechali tudy pjanyja. Nieviadoma, jak ich puścili na bort samalota, ale tam jany čaplalisia da pasažyraŭ i tuzalisia adna z adnoj. U vyniku piłot raźviarnuŭ samalot z uźlotnaj pałasy. Siaścior źniali z borta, i paźniej jany musili vypłacić štraf.
Paśla hetaha sumiesnyja vystupleńni siaścior skončylisia. Eśmieralda (Monika) pačała ŭdzielničać u fryk-bojkach. U 2021 hodzie jana adkryta raskazała pra svaju baraćbu z depresijaj: z-za surjoznaj zaležnaści ad lekaŭ i ałkaholu joj daviałosia lačycca ŭ psichijatryčnaj balnicy. Ale ŭdzieł u fryk-bojkach dapamoh rostu jaje papularnaści. Siońnia Instagram-akaŭnt Eśmieraldy maje amal paŭmiljona padpisčykaŭ.
Małhažata jašče sprabavała praciahvać śpiavać. Jana navat zapisała klip, u jakim vykanała himn Savieckaha Sajuza. Paźniej dziaŭčyna zakončyła Varšaŭski miedycynski ŭniviersitet i niekalki hadoŭ pracavała miedsiastroj. U 2021 hodzie jana navat była adznačana ministram achovy zdaroŭja Polščy za ŭkład u baraćbu z pandemijaj. Adnak praź niekatory čas žančyna paviedamiła, što jaje zvolnili.
U sakaviku 2023 hoda Eśmieralda zajaviła ab źniknieńni Małhažaty. Dziakujučy ŭmiašańniu palicyi, dziaŭčyna była znojdziena. Uvosień 2023 hoda Małhažata apublikavała fatahrafiju, jakaja śviedčyć ab jaje viartańni ŭ śfieru achovy zdaroŭja.
Siostry Hruździevy prapanujuć artystaŭ, jakija nie padtrymajuć Łukašenku ŭ 2025-m, štrafavać na 500 tysiač jeŭra ci sadžać u turmu
«Trenier niadaŭna viarnuŭsia z Danbasa, naš pacan». Dzie i z kim trenirujucca Lebiedzieva, Łanskaja i inšyja łukašysty
«Chiejtu ŭ maim žyćci było šmat». Što za dziaŭčyna zdymaje biełaruskich artystaŭ i papularnaje biełaruskaje jutub-šou «O(b)suždajem»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Roźnica tolki ŭ tym, što ŭ Polščy heta nie prakaciła.
Narmalnaja patryjatyčnaja prapolskaja, antysavieckaja pazicyja. "Dziakuj SSSR, što razvaliŭsia".