Rabotniki dziciačych sadoŭ z Baranavičaŭ šakavali «viedami» ŭ krajaznaŭstvie
Žurnalist vydańnia «Pieršy» pa niejkich svaich spravach zajšoŭ na sajt adnaho ź dziciačych sadoŭ Baranavickaha rajona i trapiŭ u źmieščanuju tam rubryku «Maršruty vychadnoha dnia». Jaho ŭraziła toje, što ŭ materyjałach hetaj rubryki panuje strašnaja nieachajnaść i niepiśmiennaść. Ale hałoŭnaje — mnohija pamyłki paŭtarajucca na sajtach inšych dziciačych sadoŭ rajona, jakich jość kala paŭsotni. Vyhladaje, što ŭsie adnatypnyja materyjały rabilisia ŭ daškolnych ustanovach «na adčapisia», tolki dziela spravazdačy načalstvu.
Zahałovak adnaho z maršrutaŭ hučyć tak: «Pomnik voinam-internacyjanalistam, jakija zahinuli ŭ bajach ź niamiecka-fašysckimi zachopnikami». Prytym padobnaja «pamyłka druku» prysutničaje nie na adnym sajcie, jaje pierapisvajuć i inšyja. Akazvajecca, taki pomnik isnuje sapraŭdy, ale pastaŭleny jon voinam-artylerystam.
Taksama žurnalist źviarnuŭ uvahu, što ŭ prapahandysckim materyjale ŭ rubrycy «Hadujem maleńkaha patryjota» dla dziaciej z baćkami prapanujecca špacyr da «maryjalnaha kompleksu».
«I sprava tut nie stolki ŭ hetaj pamyłcy abo apiscy, jakaja i ŭ zahałoŭku, i padzahałoŭku. Nu niaŭžo nichto ź inšych kalehaŭ pa pracy, sotniaŭ baćkoŭ, jakija raspłyvajucca ŭ kamplimientach i acenkach vychavalnikam, biez małoha za dva hady (artykuł byŭ apublikavany ŭ lutym 2023 hoda) nie ŭbačyli lapaŭ i nie padkazali, kab pamyłku vypravili? Niaŭžo dla «ptušački» i spravazdač usio heta na sajcie drukavałasia?», — rytaryčna pytajecca jon.
Krajaznaŭcy ź jašče adnaho dziciačaha sadu prapanavali maršrut da pažarnaha depo, jakoje znachodzicca ŭ Baranavičach i prapanavali «raskazać dziciaci pra toje, što jon [budynak depo] byŭ pabudavany ŭ 1908 hodzie pa inicyjatyvie haradskoj elity».
Miž tym na achoŭnaj tabličcy na samim budynku ŭ mietale adlita, što jon byŭ uźviedzieny ŭ 1930-ja hady, to-bok i ŭ inšy čas, i ŭ inšaj dziaržavie.
Paśla idzie cytata:
«Soobŝitie riebionku, čto zdanije priznano pamiatnikom istoričieskoho naśledija i nie imiejet anałohov vo vsiej Biełoruśsii».
Pieršaje, što reža voka — niecharakternaje dla biełaruskich sajtaŭ napisańnie nazva krainy «Biełoruśsija». Jak paśla vyśvietliŭ aŭtar, infarmacyja pra heta depo z kałančoj bieskrytyčna brałasia razam z terminałohijaj ź niejkaha rasijskaha resursa.
A druhoje — litaralna za 60 kiłamietraŭ ad Baranavičaŭ u ahraharadku Bycień Ivacevickaha rajona znachodzicca absalutna taki ž budynak, uźviedzieny ŭ tyja ž hady pa tym ža prajekcie i z takoj ža kałančoj. Choć aŭtary i śćviardžajuć, što baranavickamu «anałohov niet».
Błytajuć aŭtary tekstaŭ na sajtach dziciačych sadoŭ taksama nadpisy da pomnikaŭ, advolna prypisvajučy ich nie tym, jakim treba.
U ilustracyi da raździeła pra Baranavicki krajaznaŭčy muziej na adnym z sajtaŭ fihuruje adna z załaŭ, jakoj nie isnuje ŭžo bolš za piać hadoŭ. Jana taksama bieskrytyčna ŭziataja ź niejkaha rasijskaha resursa, a sami ŭ svaim muziei miascovyja aŭtary, vidać, nikoli nie byli.
U raździele sajta adnaho z sadoŭ, dzie dajucca mietadyčnyja rekamiendacyi baćkam, akazvajecca, što ŭ Baranavičach jość «Park ptušak», «Muziej kazki», «Muziej techniki» i inšyja muziei, jakich tut nikoli nie było, i adrasy jakich nie paznačanyja. Prytym u adnym miescy Baranavičy nazyvajucca nie horadam, a ahraharadkom. Vidavočna, što aŭtary tekstaŭ na sajcie bieskrytyčna kapipaścili ich dla siabie ź inšych resursaŭ, robiačy svaju pracu tolki dla spravazdačnaści.
U vyniku svajho ahladu aŭtar robić vysnovu:
«Dzietkam, vychodzić, možna pleści ŭsio, što zaŭhodna — jany ŭsio adno nie raźbiarucca. Baćki… Im, padobna, taksama «pa barabanu». Prykładna takoje ž staŭleńnie da vykładzienaj psieŭdakrajaznaŭčaj infarmacyi, chutčej za ŭsio, u načalstva i praviarajučych. Aby było! A što tam «było», nikoha ŭ vyniku i nie chvaluje».
Pry hetym na sajcie adnaho ź dziciačych sadoŭ žurnalist pabačyŭ apytanku «Ci zadavolenyja vy kampietentnaściu ŭstanovy daškolnaj adukacyi?», vynik jakoj — zadavolenaść amal u 95%.
Čynoŭniki ŭ Homielskaj vobłaści zapatrabavali adklučyć televizary ŭ arhanizacyjach i pradpryjemstvach ad internetu
Aficyjoznuju palitinfarmacyju stali pravodzić i na pryvatnych pradpryjemstvach
Praz hvałt, pahrozy i ŭhavory. Jak ideołahi zabiaśpiečvajuć «narodnuju luboŭ» da Łukašenki siarod miedykaŭ
Hrodzienskaja hazieta źniała kryndžovuju rekłamu i paraŭnała vybary z hvałtoŭnym šlubam VIDEA
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary