Viadomy iranski režysior aryštavany ŭ Tehieranie siłami biaśpieki. Džafar Panachi byŭ zatrymany viečaram u paniadziełak va ŭłasnym domie padčas śviata razam z žonkaj, dačkoj i 15 haściami.
Pra heta paviedamlajecca na interniet‑sajtach iranskaj apazicyi.
Pryčyny aryštu nie pryvodziacca, ale pakazvajecca, što pry aryšcie ŭ domie byŭ praviedzieny pieratrus i skanfiskavanyja niekatoryja rečy.
Panachi viadomy nie tolki svaimi filmami, ale i palityčnaj dziejnaściu. Jon adkryta padtrymlivaje apazicyju na čale ź Mirchasejnam Musavi, a vosieńniu minułaha hoda ŭžo byŭ aryštavany za ŭdzieł u akcyi pratestu.
Panachi — łaŭreat mnohich mižnarodnych konkursaŭ i prestyžnych premij. Za film «Kruh» jon atrymaŭ Załatoha lva na Vieniecyjanskim kinafiestyvali 2000 hoda. U Iranie bolšaść jaho karcin nie dazvolena da pakazu.
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka10
Kamientary