Žyllo znachodzicca na Łahojskim trakcie, u prystojnaj dzieviacipaviarchoŭcy.
U Minsk źjaviłasia abjava pra arendu kvatery pa vielmi nizkaj canie — usiaho 65 dalaraŭ u miesiac. Adnak u takim košcie jość całkam kankretnaja pryčyna: uładalnik choča, kab arandatary sami rabili ramont, piša Onliner.by.
Žyllo znachodzicca na Łahojskim trakcie, u prystojnym dzieviacipaviarchoviku. Unutry — zvyčajnaja abstanoŭka 1990-ch: staryja špalery, linoleum, prostaja mebla. Pry hetym kvateru nielha nazvać zusim pustoj: u pakoi jość łožak, kanapa, kamoda i rabočy stoł; u vitalni — šafa; na kuchni — abiedzienny stoł, šafki, chaładzilnik i plita. Taksama ŭkazana, što ŭ kvatery jość prałka.
Pa abjavie kvateru zdajuć maksimum da siaredziny leta.
Asablivaść u tym, što budučamu arandataru prapanujuć nie prosta žyć, ale i pastupova zajmacca ramontam. U abjavie havorycca, što raboty ŭžo raspačatyja (naprykład, zamieniena pravodka i abnoŭleny bałkon) i ich treba pastupova praciahvać. Sa słoŭ aŭtara, pieravahu addaduć dvum-trom budaŭnikam: «Hałoŭnaje, kab kožny dzień rabiłasia niešta».
Siarod plusaŭ uładalnik nazyvaje i raźmiaščeńnie doma: pobač znachodziacca kramy, park i raka, prypynak tramvaja «Palihrafičnaja» — možna chutka dabracca da stancyi mietro «Płošča Jakuba Kołasa».
Košt štomiesiačnaj arendy takoha varyjantu — 65 dalaraŭ pa kursie.
Žurnalisty źviazalisia z uładalnikam kvatery, kab daviedacca, jak jon vyrašyŭsia na takuju niezvyčajnuju prapanovu arendy. Voś što jon raspavioŭ:
— U hetym rajonie lohka było b za dzień-dva zdać hetuju kvateru za 350 dalaraŭ, ale vyrašyŭ pasprabavać zdać jaje z umovaj, što arandatary buduć rabić ramont. Spačatku ŭvohule prapanoŭvaŭ žyć biaspłatna, tolki zajmacca pracami.
Maŭlaŭ, čałaviek budzie vykonvać zadačy prykładna na 1000—1500 rubloŭ u miesiac, a inakš ja mahu sam znajści budaŭnikoŭ i davać im ukazańni. Ramont zadumvaŭsia jak kaśmietyčny: pierakleić špalery, abnavić saviecki parkiet, meblu… Zvankoŭ było šmat, niekatoryja navat prychodzili na prahlad: adzin chłopiec byŭ hatovy žyć sa svajoj dziaŭčynaj i pastupova što-niebudź abnaŭlać, ale potym pieradumaŭ i viarnuŭ klučy. Dumaju ŭžo admovicca ad hetaj idei i zrabić usio samastojna — u budučyni płanuju žyć u hetaj kvatery sam.
Kamientary