«Homiel — takaja vioska?» Hamialčanka aburyłasia praz afišu z rasijskimi artystami
«Ich naohuł niechta viedaje?»
Žycharka Homiela apublikavała ŭ TikTok videa z kancertnaj afišaj horada. Na joj možna ŭbačyć kancerty artystaŭ, jakija płanujuć vystupić u haradskim hramadska-kulturnym centry. Aŭtarka rolika źviarnuła ŭvahu, što na afišy — u asnoŭnym rasiejskija vykanaŭcy, i pryznałasia, što bolšaść ź ich joj nieviadomaja, piša BGmedia.
«Voś cikava, Homiel takaja vioska, što narmalnyja artysty da nas nie pryjazdžajuć? Dy niejki kašmar! Ich uvohule viedaje chto-niebudź? Chto-niebudź kupiŭ kvitki na ich kancert?» — kamientuje žančyna situacyju ŭ videa.
Na afišy vidać abjavy pra kancerty niekalkich rasiejskich vykanaŭcaŭ: Aleha Pahudzina i Valeryja Siomina. Videa chutka sabrała sotni kamientaroŭ, a mierkavańni karystalnikaŭ padzialilisia.
kto kupił bilety na etich artistov?
Asnoŭnaja dyskusija razharnułasia vakoł taho, ci sapraŭdy na afišy vystupajuć nieviadomyja artysty. Častka karystalnikaŭ paličyła, što aŭtarka pierabolšvaje i što mnohija vykanaŭcy davoli viadomyja — prosta nie ŭsie cikaviacca takoj muzykaj.
«Mnie 14, i prabačcie, žančyna, ale ja pałovu artystaŭ z afiš viedaju, navat bolšaść. Jak možna ich nie viedać? I čamu heta jany «nienarmalnyja»?»
Inšyja ž, naadvarot, padtrymali aŭtarku rolika i pryznalisia, što taksama amal nikoha nie paznajuć z kancertnaj afišy.
«Akramia Aŭsijenka nikoha nie viedaju».
«Kali b nie vaš rolik, dumaju, 80% rasiejcaŭ i biełarusaŭ navat nie daviedalisia b, chto heta naohuł».
Častka karystalnikaŭ pačała abmiarkoŭvać, čamu mienavita takija artysty vystupajuć u Biełarusi. Na ich dumku, niekatoryja rasiejskija vykanaŭcy prosta šukajuć mahčymaści dla hastrolaŭ u krainach, dzie ich jašče zaprašajuć.
«Zhodna! Sprava ŭ tym, što ŭ siabie jany ŭžo nie katujucca, a ŭ inšyja krainy, akramia Biełarusi, ich nie puskajuć. Usia estrada Rasiei ŭ nas hrošy zarablaje».
«Akramia Homiela ich nikudy nie kličuć».
Niekatoryja kamientatary nie strymlivali žartaŭ. Naprykład, karystalniki iranizavali z taho, chto kuplaje kvitki na takija kancerty.
«Bilety prafsajuzy kupili».
Byli i tyja, chto adznačyŭ, što ŭ Homiel sapraŭdy redka pryjazdžajuć viadomyja sučasnyja vykanaŭcy, tamu amataram papularnaj muzyki časta davodzicca jechać u stalicu.
«Časam dobryja muzyki pryjazdžajuć, ale redka. Na artystaŭ, jakija mnie padabajucca, adziny varyjant — jechać u Minsk. U Homiel nichto pryjazdžać nie choča».
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
Pahudzin maje zvańnie narodnaha artysta Rasii, Siomin - zasłužanaha artysta Rasii. To-bok heta nie noŭnejmy niejkija pravincyjnyja. Siomin viadomy jak bajanist, televiadučy roznych prahram na hetuju temu. Ja razumieju, što pieśni pad bajan nie ŭsim padabajucca, ale jość zusim niamała ludziej, jakija prychilniki mienavita takoha žanru.
Tamu toje, što pryjazdžaje nieviadoma chto - heta mima adnaznačna ŭ hetym vypadku. Prosta nie treba svaje ŭłasnyja husty absalutyzavać i rabić etałonnymi. Inšym ludziam kumiry hetaj tyktokierki mohuć absalutna ničoha nie havaryć.