Piacipaviarchovy budynak całkam razburany.
Źniščalniki VPS Izrail nanieśli ŭdar pa horadzie Nabacija na poŭdni Livana, u vyniku čaho całkam byŭ razburany budynak, u jakim znachodziŭsia Dom ruskaj kultury. Pra heta paviedamiŭ TASS jaho dyrektar Asaad Dzija.
Jak raskazaŭ surazmoŭca, Dom ruskaj kultury byŭ zasnavany ŭ Nabacii ŭ 2004 hodzie i zajmaŭ pieršy pavierch piacipaviarchovaha budynka. Jon słužyŭ sacyjalna-kulturnym centram, u jakim źbiralisia vypuskniki rasijskich VNU i suajčyńniki z usiaho paŭdniovaha rehijona.
«Pracavali kursy ruskaj movy, dzieci zajmalisia muzykaj, tancami, malavańniem, — adznačyŭ Dzija. — U nas była zała, u jakoj ładzilisia ŭračystyja viečary rasijska-livanskaj družby i kancerty».
U pieryjad kanfliktu 2024 hoda pamiaškańniam była naniesiena materyjalnaja škoda. Pavodle słoŭ dyrektara, ramont zrabili nie adrazu, bo spačatku patrabavałasia dapamoha siemjam, jakija paciarpieli ad udaraŭ.
«Ramontnyja raboty skončyli niadaŭna, usie byli zadavolenyja», — adznačyŭ jon.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ4
Kamientary