U Minsku pradajuć studyju z ramontam tańniej za 35 tysiač dołaraŭ. Čamu takaja cana?
Hetaja studyja ŭ Čyžoŭcy — samaja tannaja z usich, što pradajucca ciapier u Minsku. U joj zrobleny ramont — praviedzieny novyja kamunikacyi, elektrapravodka, vientylacyja. Ale jość niuansy, piša Realt.
Dzieviacipaviarchovaja panelka 1977 hoda znachodzicca pa adrasie Ubareviča, 148 korpus 2. Heta Čyžoŭka-2 pobač z prajezdam Haładzieda kala MKAD.
Da aŭtobusnaha prypynku — mienš za 200 mietraŭ.
Pamiaškańnie znachodzicca na pieršym paviersie. Uvachod — z padjezda. Ahulnaja płošča — 11,8 kvadrata.
Tut ustalavana nievialikaja kuchnia i staić kanapa. Na kuchni jość partatyŭnaja elektraplita. Padklučana pralnaja mašyna. Arhanizavany asobny sanvuzieł — dušavaja i ŭnitaz. Na padłozie ŭsiudy lažyć plitka. Praviedzienaje optavałakno.
U ahienctvie, jakoje zajmajecca prodažam, abiacajuć pry nieabchodnaści dapamahčy vyvieści pamiaškańnie ŭ žyły fond. Pakul heta administracyjnaje pamiaškańnie, prapisacca tut nie atrymajecca.
Ale vykarystoŭvać dla siabie ci zdavać u arendu možna. Ciapier kvateru-ofis zdajuć za 250 dołaraŭ u miesiac.
Cana studyi — 34 900 dołaraŭ, a kvadrata — 2 958 dołaraŭ.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary