«Maja kampanija paciarpieła ad nieabdumanych dziejańniaŭ apazicyi». Što adbyvajecca ź firmaj, na ekranach jakoj pakazali zvarot Cichanoŭskaj suprać vajny
24 lutaha 2024 hoda na rekłamnych ekranach u Biełarusi zapuścili zvarot Śviatłany Cichanoŭskaj. Akcyju praviało abjadnańnie byłych siłavikoŭ Belpol. Praz sutki siłaviki zatrymali čatyroch supracoŭnikaŭ kampanii Legion 104, jakaja zajmałasia raźmiaščeńniem rekłamy na padobnych ekranach. «Miedyjazona» parazmaŭlała z dyrektaram kampanii Andrejem Smalakom i daviedałasia, što adbyvajecca ź firmaj i kryminalnaj spravaj praz 10 miesiacaŭ paśla «dyviersii».
Kryminalnaja sprava, aryšt majomaści i likvidacyja kampanii
Paśla źjaŭleńnia zvarotu Cichanoŭskaj na rekłamnych ekranach śledčyja raspačali kryminalnuju spravu pa artykule ab źniščeńni, błakavańni abo madyfikacyi kampjutarnaj infarmacyi. Smalak prachodziŭ pa im padazravanym, ale letam pradprymalnik atrymaŭ list, što kryminalnuju spravu suprać jaho spynili i ciapier jon prachodzić śviedkam. Kaho śledčyja ličać padazravanym, nieviadoma.
Dyrektar taksama raskazaŭ, što pa hetym artykule ŭ ramkach spravy «ab ekranach» nichto ź jahonaj firmy nie zatrymany.
«Spravu pastavili na paŭzu, čakajuć mianie jak hałoŭnaha śviedku na dopyt. Maja nieruchomaść aryštavanaja. DFR praciahvaje pravierku, vyniku pakul niama, ale ničoha dobraha ad ich ja nie čakaju. Usie padatki my apłacili, ciapier pakryvajem nievialikuju zapazyčanaść pierad klijentami. Supracoŭniki zvolnilisia», — raskazvaje dyrektar.
Ciapier kampanija Legion 104 znachodzicca ŭ pracesie likvidacyi. Da incydentu ŭ joj pracavali 10 čałaviek, a taksama 7 čałaviek — pazaštatna.
«Biznes pieranosim u Jeŭropu i na Blizki Uschod. Ubačyli dla siabie značna bolš mahčymaściaŭ. Ciapier šukajem inviestara», — raskazvaje pradprymalnik.
«Nas śpisali»
«Dziela spraviadlivaści, ja nie represavany ŭładaj niepasredna. Maja kampanija paciarpieła ad nieabdumanych dziejańniaŭ našaj «rodnaj» apazicyi. Jak i kazaŭ raniej, jany nas śpisali. Mnie ščyra škada našu ziamlu i naš narod. Niejki bieśpierśpiektyŭniak».
Pradprymalnik admaŭlaje dačynieńnie da tranślacyi zvarotu Cichanoŭskaj. Pra toje, što ich servis byŭ uzłamany, jon daviedaŭsia pa darozie ŭ Polšču — jechaŭ śviatkavać svoj dzień naradžeńnia.
«Pracujučy nad prajektam z 2015 hoda i vydatkavaŭšy na jaho vielizarnuju kolkaść sił i resursaŭ, my nie mahli sabie dazvolić niešta padobnaje».
Adkaznaść za akcyju ŭziali na siabie byłyja siłaviki z Belpol. Jany paćvierdzili, što zatrymanyja supracoŭniki kampanii Legion 104 da ŭzłomu ekranaŭ nijakaha dačynieńnia nie majuć.
«Nichto z datyčnych da praviadzieńnia akcyi nie znachodzicca ŭ Biełarusi. Što ŭłasna i paćviardžajecca, bo ludziej zatrymali nibyta prosta za pratesty», — skazaŭ pradstaŭnik inicyjatyvy Uładzimir Žyhar.
Na pytańnie «Miedyjazony» pra toje, ci atrymaŭ Belpol dostup da servisu Legion 104 bieź viedama supracoŭnikaŭ, pradstaŭnik inicyjatyvy nie adkazaŭ.
Dyrektar rekłamnaj kampanii, na čyich ekranach pakazali Cichanoŭskuju, raskazaŭ svaju viersiju padziej
«Nichto z datyčnych nie znachodzicca ŭ Biełarusi». U «Biełpole» raskazali pra tranślacyju vystupu Cichanoŭskaj na manitorach
Zatrymali supracoŭnikaŭ kampanii, što absłuhoŭvaje ekrany, na jakich pakazali zvarot Cichanoŭskaj
Na rekłamnych ekranach pa ŭsioj Biełarusi pakazali zvarot Śviatłany Cichanoŭskaj
Staŭ viadomy źmiest «apieracyi №4» z płana «Pieramoha». Ažyćciavić jaje bolš nie atrymajecca
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Toj, chto padstaviŭ, nie pytajučysia dazvołu, toj "maładziec"?