«U mianie nie było vybaru». Alaksandr Syrski raskazaŭ pra Kurskuju apieracyju
Hałoŭnakamandujučy USU Alaksandr Syrski ličyć Kurskuju apieracyju pośpiecham, dasiahnutym dziakujučy elemientu raptoŭnaści, niahledziačy na pryciahnieńnie adnosna nievialikaj kolkaści ŭkrainskich vojskaŭ. Mienavita dziakujučy hetamu nastupleńniu rasijanam nie ŭdałosia dasiahnuć pastaŭlenych metaŭ na 2024 hod, zajaviŭ Syrski ŭ intervju Le Monde.
«U mianie nie było vybaru, ja pavinien byŭ pravieści hetuju apieracyju. Treba było i sarvać nastup na Charkaŭ, i trochi razhruzić usie franty, i nie dapuścić adkryćcia novaha frontu na Sumy. Tamu ja pryniaŭ rašeńnie vieści hety nastup tam, dzie ŭ voraha było słaboje miesca, dzie było vielmi mała sałdat dla achovy miažy», — padkreśliŭ Syrski.
Jon dadaŭ, što ŭ Kurskuju vobłaść akupantam daviałosia pierakinuć značnuju kolkaść vajskoŭcaŭ sa svaich najlepšych bajavych čaściej. Jak padkreśliŭ Syrski, takim čynam udałosia asłabić nastupalny patencyjał rasijan i pamienšyć intensiŭnaść napadaŭ, za vyklučeńniem Pakroŭskaha i Kurachaŭskaha kirunkaŭ.
Całkam vycieśnić USU z Kurskaj vobłaści rasijanam nie ŭdałosia dahetul, choć pastupova hety praces idzie. Ciapier rasijanie dziejničajuć małymi hrupami, sprabujučy prarvać ukrainskuju abaronu. Im taksama mienavita na tym kirunku dapamahajuć vajskoŭcy z KNDR.
Pa stanie na 17 śniežnia śćviardžajecca, što pałova terytoryi Kurskaj vobłaści, jakuju ŭdałosia zachapić ukrainskim vajskoŭcam z pačatku apieracyi, užo pierajšła pad kantrol rasijan.
USU vyvieli vajskoŭcaŭ z poŭdnia Hłuškoŭskaha rajona Kurskaj vobłaści
Ukraincy z «Chajmarsa» nakryli hanarovaje pastrajeńnie rasijskich vajskoŭcaŭ u Kurskaj vobłaści. 12 zahinułych
Apošni ryvok. Što budzie hetaj zimoj na poli boju va Ukrainie?
Zialenski: Pieramirje mahčyma, kali Ukrainu zaprosiać u NATO
Ciapier čytajuć
Poŭny śpis palitviaźniaŭ, vyzvalenych 13 śniežnia7
Kamientary