Novy ministr kultury adkazaŭ, ci hatovy dać druhi šaniec režysioru Andreju Kurejčyku i ci prymie Kupałaŭski Zoju Biełachvościk
A taksama parazvažaŭ, chto pavinien sačyć, kab na scenie byli tolki łajalnyja ŭładam artysty.
Niadaŭna pryznačany ministr kultury Rusłan Čarniecki pryjšoŭ na BT u pieradaču «Skažiniemołči». Viadučyja zhadali, što ŭ Akademii mastactvaŭ jon skončyŭ kurs narodnaj artystki Zoi Biełachvościk, jakaja ŭ 2020-m zvolniłasia z Kupałaŭskaha teatra. Kaliści Čarniecki hraŭ taksama ŭ śpiektakli «Padvodniki» pa pjesie Andreja Kurejčyka.
«Vy prychilnik taho, kab dać druhi šaniec ci….?» — zapytali ŭ ministra.
«Kali ty idejny zdradnik, to nijakich druhich šancaŭ nie pavinna być. Zdradnik — tut ža vorah. Kali čałaviek nie pa idejnych pierakanańniach heta ŭsio rabiŭ, a zabłytaŭsia… (…) Kali čałaviek adkryta hatovy pakazać padtrymku dziaržavie, toj uładzie, jakaja ciapier u nas jość, kali jon hatovy joj dapamahać, razam ź joj pracavać, kali jon hatovy padpisacca pad tym, što nie budzie zajmacca destruktyŭnymi rečami i ŭśviedamlaje pakarańnie, jakoje za heta paniasie (…)
Z kožnym čałaviekam treba indyvidualna pracavać», — vykazaŭsia Čarniecki.
Jon parazvažaŭ pra kaleh.
«Ja pavinien być upeŭnieny, što sa mnoj pobač staić čałaviek, jakomu ja mahu całkam daviarać. A kali jon niejak nie vyznačyŭsia dahetul, to dzie ŭpeŭnienaść, što jon vyznačycca, kali budzie krytyčny momant? A kali jon vyznačycca ŭ toj [inšy] bok? A ŭ mianie tam siamja za mnoj».
U ministra spytali taksama, chto pavinien sačyć za tym, kab na scenie nie było niełajalnych uładzie artystaŭ — Ministerstva kultury ci nieabyjakavyja hramadzianie. Čarniecki adkazaŭ, što ŭsie.
Novy ministr kultury rasparadziŭsia zdymać filmy pra vajnu i sialan. I paabiacaŭ praryŭnaje kino
Novy ministr kultury vypuściŭ klip — plujecca ŭ vydumanych vorahaŭ
Aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać19
Kamientary