Uładzimir Pucin i Ilcham Alijeŭ pa telefonie abmierkavali krušeńnie pasažyrskaha samalota «Azierbajdžanskich avijalinij» 25 śniežnia ŭ Kazachstanie. Razmova adbyłasia pa inicyjatyvie rasijskaha boku.
Pucin prynios Alijevu prabačeńni, što incydent z azierbajdžanskim samalotam adbyŭsia ŭ pavietranaj prastory Rasii, raspaviali ŭ Kramli.
Pucin u razmovie z prezidentam Azierbajdžana jašče raz vykazaŭ spačuvańni siemjam zahinułych, infarmuje Kreml.
Ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ blizu aeraporta Aktau na zachadzie Kazachstana. Kali samalot pralataŭ nad Čačnioj, pa im udaryła SPA, jakaja pracavała ŭ vyniku nalotu bieśpiłotnikaŭ.
Na borcie łajniera było 67 čałaviek, u tym liku 37 hramadzian Azierbajdžana, 16 rasijanaŭ, šeść kazachstancaŭ i troje hramadzian Kyrhyzstana. U avijakatastrofie zahinuli 38 čałaviek, 29 vyžyli.
Bortpravadnik, jaki vyžyŭ paśla padzieńnia azierbajdžanskaha samalota ŭ Kazachstanie, raskazaŭ, jak usio vyhladała znutry
U Baku admovilisia prymać dapamohu ad Čačni paśla ŭdaru rakietaj pa samalocie
«Azierbajdžanskija avijalinii» prypyniajuć paloty ŭ niekalki haradoŭ Rasii
Azierbajdžanski deputat: Rasija pavinna vybačycca za ataku na samalot Baku — Hrozny
Kamientary