Haradskich bajoŭ u horadzie niama.
Rasijskija akupacyjnyja vojski nie iduć na pramy šturm Pakroŭska Danieckaj vobłaści, a sprabujuć abyści i akružyć horad. Pra heta paviedamiŭ pres-sakratar apieratyŭna-stratehičnaj hrupoŭki vojsk «Chorcickaja» major Viktar Trahubaŭ u efiry nacyjanalnaha telemarafona.
«Haradskich bajoŭ u horadzie niama, da miažy horada rasijanie nie dajšli, ale sprabujuć achapić jaho praz susiednija nasielenyja punkty, pasiołki, pranikać roznymi hrupami, nazapašvacca i dziejničać dalej tak, kab abyści horad. Plus — aktyŭnaje vykarystańnie BPŁA, aktyŭnyja dziejańni ŭsich dastupnych srodkaŭ rasijan, skancentravanyja ŭ rajonie horada Pakroŭsk».
Trahubaŭ rastłumačyŭ, što horad Pakroŭsk dosyć vialiki i ŭmacavany, tamu praciŭnik nie choča iści na pramy šturm, bo ŭžo zaviaz u haradskich bajach na inšych napramkach, naprykład, u Časavym Jary i Kurachavie.
Pavodle jaho słoŭ, na bai ŭ samim Pakroŭsku praciŭnik zaraz nie raźličvaje, a imkniecca abyści horad i parvać infrastrukturnyja łancužki.
Za minułyja sutki na Pakroŭskim napramku, jaki zastajecca adnym z samych haračych, ukrainskija abaroncy spynili 38 šturmavych i nastupalnych dziejańniaŭ ahresara, dadaŭ Trahubaŭ.
-
Zahinuŭ hienierał, jakomu tolki paŭmiesiaca tamu dali Hieroja Rasii. Hety 17‑y zabity rasijski hienierał. Ukraina nie straciła nivodnaha
-
Bilecki paćvierdziŭ ukrainski nastup pad Limanam i raskazaŭ niekalki detalaŭ
-
Daroha dadomu, jakaja pakul viadzie praz front. U Kijeva-Piačerskaj łaŭry pakazvajuć historyju Pałka Kalinoŭskaha
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary