Premjer Litvy: Słovy Kandratoviča pra blizkaść biełaruskaj nacyi hučać dziŭna
Hintaŭtas Pałuckas prakamientavaŭ słovy ministra ŭnutranych spraŭ Litvy Uładzisłava Kandratoviča pra toje, što Biełaruś — kulturna najbližejšaja kraina dla Litvy.
Premjer-ministr Litvy acaniŭ vykazvańnie kiraŭnika MUS jak dziŭnaje, piša LRT.
«U siońniašnim kantekście heta hučyć davoli dziŭna, tamu što režym Łukašenki, biezumoŭna, varožy Litvie», — skazaŭ Pałuckas.
Pry hetym kiraŭnik litoŭskaha ŭrada dadaŭ, što biełaruskaja dyjaspara ŭ krainie farmavałasia mnohija dziesiacihodździ.
«Kali ž pahladzieć na historyju mnohich dziesiacihodździaŭ, adkul u Litvy była dadatkovaja imihracyja, jak hetyja dyjaspary adaptavalisia da Litvy, to nasamreč heta Ukraina, Biełaruś, i nas heta nie pavinna mocna ździŭlać», — adznačyŭ Pałuckas.
Jon taksama zajaviŭ, što imihracyja ŭ Litvu pavinna kantralavacca. U krainie ŭžo pražyvajuć 220 tysiač čałaviek, jakija prybyli z-za miažy, što składaje 8% nasielnictva dziaržavy.
«Heta sapraŭdy moža stać vyklikam, tamu da hetych pytańniaŭ treba padychodzić surjozna, uličvajučy taksama hieapalityčnuju situacyju. Adnak kamientar ministra źjaŭlajecca častkaj bolš šyrokaha kantekstu», — adznačyŭ premjer-ministr Litvy.
Kiraŭnik MUS Uładzisłaŭ Kandratovič raniej nazvaŭ Biełaruś kulturna samaj blizkaj krainaj dla Litvy. Razam z tym ministr adznačyŭ nieabchodnaść uličvać i mahčymyja ryzyki dla biaśpieki dziaržavy.
Ciapier čytajuć
U Varšavu pryjechała sotnia biełaruskich palitviaźniaŭ11
Kamientary
«U siońniašnim kantekście heta hučyć davoli dziŭna, tamu što režym Łukašenki, biezumoŭna, varožy Litvie», — skazaŭ Pałuckas./
Jasna. Dla spadara Kandratoviča kultura heta narod Biełarusi i šmatviakovaja ahulnaja historyja našych narodaŭ.
Dla spadara Pałuckasa kultura heta režym Łukašenki.
Chočacca nahadać spadaru, u jakoha historyja pačałasia ŭ 1994 hodzie, što prarasiejki režym Łukašenki isnuje ŭsiaho tolki 30 hadoŭ i chutka moža skončycca.
A biełaruski narod z našaj movaj i šmatviakovaj historyjaj i kulturaj isnuje šmat stahodździaŭ. Niahledziačy na sproby Maskvy i prarasiejskich sił nas źniščyć.
Paśla padzieńnia prarasiejskaha režymu Łukašenki, jaki dušyć usio biełaruskaje, źniščaje biełaruskuju architekturu, kulturu, vydaviectvy, nacyjanalnuju adukacyju, vyciskaje nośbitaŭ nacyjanalnaj kultury za miažu, zabaraniaje ich brać na pracu, i hetak dalej, paśla padzieńnia režymu Łukašenki biełaruskaja kultura, jak kvietka, ź jakoj źniali ciažki pradmiet, pad jakim jana zadychałasia, chutka adužaje i raskvitnieje.