Čamu Karpienka nie moža pasadzić Bondaravu? Razvažaje Volha Łojka
«Ja nie ździŭlusia, kali jana vyjavicca štatnym supracoŭnikam FSB. Prosta ŭ jakaści trolinhu biełaruskich uładaŭ».
U pieršym vypusku novaha niadzielnaha analityčnaha TOKu ekanamičnaja ahladalnica i hałoŭnaja redaktarka «Płana B» Volha Łojka vykazała svoj pohlad na toje, čamu Bondaravu nie mohuć pryciahnuć da adkaznaści.
«Mianie vielmi zamiłoŭvaje, što jany (ułady — NN) tak i nie mohuć ź joj zrabić ničoha. Jany jaje tolki zvolnili z haziety «Kamunist Biełarusi». Ja dumaju, mahčyma, jana sama pajšła, tamu što jana ŭsio ž taki prafiesijnaja darmajedka», — zaŭvažaje Volha Łojka adnosna danosčycy Volhi Bondaravaj.
Zmahańnie ŭładaŭ z Bondaravaj Łojka nazyvaje «zabaŭnaj bitvaj tytanaŭ» i iranizuje:
«Vielmi zabaŭnyja pahrozy ŭsich prapahandystaŭ, što voś zaraz, vielmi chutka ź joj adbudziecca niešta vielmi niadobraje, i vy ŭsie daviedajeciesia, što byvaje z tym, chto publična i nachabna raspalvaje. A ź joj nie zdarajecca litaralna ničoha. Jana praciahvaje».
Takaja situacyja, na pohlad ahladalnicy, tolki ŭmacoŭvaje raspaŭsiudžanuju viersiju ab tym, što Bondarava moža być supracoŭnikam FSB:
«Viersii pra toje, što jana štatny supracoŭnik FSB, jany, zrazumieła, z adnaho boku, zabaŭnyja. A z druhoha boku ja nie ździŭlusia, kali niešta padobnaje ŭ hetym jość. Nu prosta ŭ jakaści trolinhu biełaruskich uładaŭ: «Nu voś i što ty zrobiš, kali ŭsio toje ž raspalvańnie budzie za ruskuju movu? Nu voś i pasprabujcie što-niebudź ź joj zrabić».
«I Karpienka, i prapahandysty dziaržaŭnych haziet usie ciapier ustupilisia suprać jaje ŭ maštabnyja bajavyja dziejańni. I ničoha», — zaŭvažaje Łojka i dadaje, što na jaje pohlad, ułady nie advažacca pasadzić danosčycu.
Na pytańnie, čamu nie advažacca, kali prarasijskuju aktyvistku Mirsalimavu pasadzili, Volha Łojka z humaram adkazała:
«Nie viedaju. Mahčyma, jana pa pahonach vyšej».
«Nie atrymlivajecca. Niekalki pramych pahroz było ahučana. Karpienka — nie apošni čynoŭnik u Biełarusi. Kali jon tabie naŭprost pahražaje, ja b, znachodziačysia ŭ Biełarusi, užo, napeŭna, spužałasia. Dy nie napeŭna. My ž razumiejem, kali tabie naŭprost havorać: «Pasłuchaj, tvaje voś hetyja vykazvańni — raspalvańnie. [Artykuł] 130 častka treciaja (heta taksama moj artykuł). Ale Bondaravaj za heta ničoha niama», — zaŭvažaje byłaja palitźniavolenaja.
Hladzicie całkam:
«Dzie jany pracujuć?» Kamunist Syrankoŭ budzie skardzicca ŭ prakuraturu i padatkovuju na Bondaravu i kampaniju
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie
Dziermant zaklikaje rasśledavać źniešni faktar, jaki staić za dziejnaściu Bondaravaj
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary