«Heta razumieje navat Zianon Paźniak». BiełTA vypuściła artykuł z kamplimientami staroj apazicyi
Staruju i novuju apazicyju supraćpastaviŭ na BiełTA staršynia Pastajannaj kamisii pa pravach čałavieka, nacyjanalnych adnosinach i srodkach masavaj infarmacyi Pałaty pradstaŭnikoŭ Mikałaj Buzin. Vybar pradstaŭnika ŭłady — na karyść staroj hvardyi.
Buzin kaža, što meta sučasnaj biełaruskaj apazicyi — «farmiravańnie asabistaha raju za košt našych hramadzian». Pavodle jaho słoŭ, «heta razumieje staraja biełaruskaja apazicyja, jakaja maje inšy, adrozny ad našaha ciapierašniaha kursu, pohlad na raźvićcio krainy».
«U pryvatnaści, Zianon Paźniak, jaki ŭ niadaŭnim intervju na YouTube zajaviŭ, što nieabchodna «ŭstupać u pieramovy» i damahacca źniaćcia sankcyj ź Biełarusi, u pieršuju čarhu z «Biełavija», — kaža jon.
«Paźniak ličyć, što ciapierašniaja apazicyja svaimi dziejańniami tolki škodzić biełaruskamu narodu. Pavodle jaho słoŭ, Jeŭrasajuz šlacham ekanamičnych sankcyj pravodzić paśladoŭnuju palityku źniščeńnia Biełarusi, a «ŭsie hetyja spadary šolcy i inšyja» vydatna razumiejuć, što robiać, i padtrymku im akazvajuć ofisy tak zvanaj sučasnaj apazicyi. «Kaho vy dušycie? Svaju dziaržavu, svoj narod!»— cytuje słovy Paźniaka BiełTA.
Buzin kaža, što «lidary staroj biełaruskaj apazicyi bolš adekvatna ŭsprymajuć sučasnuju palityčnuju rečaisnaść, čym tyja, chto siońnia sprabuje z-za miažy dyktavać nam, jak žyć dalej».
«Sankcyi suprać ułasnaha naroda, baraćba za hranty — heta šlach u nikudy, jaki nie moža sabie dazvolić ni adzin adekvatny palityk. Palityka nie moža iści nasupierak ź intaresami naroda. Mienavita narod vyrašaje, jakaja ŭłada jaho zadavalniaje i jakich lidaraŭ jon vybiraje. Heta razumieje navat Zianon Paźniak. Ale hetaha nie razumiejuć tyja ludzi, jakija siońnia sprabujuć havaryć ad imia biełaruskaha naroda», — śćviardžaje Buzin.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Pavarot paśla 2020.