Delehat Kaardynacyjnaj rady i były palitviazień apublikavaŭ u sacsietkach fota na viełasipiedzie ź firmovym zaplečnikam słužby dastaŭki Uber Eats za śpinaj.
Błohier Siarhiej Piatruchin staŭ viadomy ŭ siaredzinie 2010-ch dziakujučy prajektu «Narodny reparcior». Razam z Alaksandram Kabanavym jon zdymaŭ roliki pra žyćcio Bresta i prablemy haradžan. Padobnuju ideju, ale ŭ ahulnanacyjanalnym farmacie paśla ŭvasobiŭ Siarhiej Cichanoŭski.
Piatruchin byŭ aryštavany ŭ červieni 2020-ha, jašče da vybaraŭ. Jamu i Kabanavu prysudzili pa try hady kałonii. Paśla vyzvaleńnia ŭ śniežni 2022-ha Piatruchin viarnuŭsia ŭ Brest, dzie pražyŭ bolš za hod. U studzieni 2024-ha błohier vyjechaŭ u emihracyju.
U Polščy Piatruchin adnaviŭ «Narodny reparcior», akcent jaho ŭvahi źmiaściŭsia na pošuk niadobrasumlennych pradstaŭnikoŭ apazicyi. Aproč taho, błohier abraŭsia ŭ Kaardynacyjnuju radu.
Jak vynikaje z fotazdymku Piatruchina ŭ fejsbuku, ciapier jon pracuje dastaŭščykam ježy ŭ servisie Uber Eats.
Maci Piatruchina: «Dzie tvoj zdradnik Kabanaŭ? Źjechaŭ?» — «Dyk i ja taksama zdradnik?» — «I ty taksama»
Piatruchin pra siamiejnuju dramu padčas turmy: žonka źmianiła proźvišča sabie i synu
Siarhiej Piatruchin raskazaŭ, jak u SIZA jaho sprabavali pieravieści ŭ «nizki status». Daviałosia ŭskryvać vieny
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary