Pavodle źviestak zachodnich aficyjnych asobaŭ, stanam na siaredzinu studzienia paŭnočnakarejskija vojski ŭ Kurskaj vobłaści stracili zabitymi i paranienymi kala čatyroch tysiač čałaviek, ź ich kala tysiačy zahinuli, piša Bi-bi-si.
Jak adznačaje karespandent Bi-bi-si pa pytańniach biaśpieki Frenk Hardnier, heta vielmi vysoki pakazčyk, uličvajučy, što na dapamohu Rasii ŭ Kurskuju vobłaść, kudy ŭ žniŭni minułaha hoda ŭvajšli ŭkrainskija vojski, było nakiravana kala 11 000 vajskoŭcaŭ.
Stratami ličacca zabityja, paranienyja, źnikłyja bieź viestak i tyja, chto trapiŭ u pałon.
Adnak zachodnija čynoŭniki na ŭmovach ananimnaści paviedamili Bi-bi-si, što kala tysiačy vajskoŭcaŭ zahinuli ŭ bai. Heta vielmi vysoki ŭzrovień strat, i jon nieprymalny dla paŭnočnakarejskaha kantynhientu biez značnaha padmacavańnia, adznačaje Hardnier.
Niezrazumieła, dzie paranienyja prachodziać lačeńnie, i taksama niezrazumieła, kali i ŭ jakoj kolkaści ich zamieniać. Adnak užo vidavočna, što paŭnočnakarejski režym płacić vysokuju canu za dapamohu Rasii.
U kancy minułaha hoda Ukraina i Paŭdniovaja Kareja paviedamili, što Pchieńjan nakiravaŭ u Rasiju jak minimum 10 tysiač vajskoŭcaŭ.
Uładzimir Pucin zajaviŭ, što vykarystańnie paŭnočnakarejskich vojskaŭ u bajavych dziejańniach suprać Ukrainy — heta «suvierennaje rašeńnie» Rasii.
U siaredzinie studzienia Nacyjanalnaja raźviedvalnaja słužba Paŭdniovaj Karei paviedamiła pra hibiel bolš za 300 paŭnočnakarejskich sałdat, jakija vajavali za Rasiju. Pa ich danych, prynamsi 2700 byli paranienyja.
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym15
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary