Navošta Minsku kalcavaja linija mietro, i kolki stancyj jana budzie naličvać
Hałoŭny inžynier pradpryjemstva «Minskmietraprajekt» Hieorhij Pratasaŭ raspavioŭ ab płanach raźvićcia staličnaha mietrapalitena, pišuć «Minsk-Naviny».
Jon nahadaŭ, što na Maskoŭskaj linii za stancyjaj «Uručča» chacieli pabudavać jašče adnu — «Smalenskuju», a za «Malinaŭkaj» — «Ščomyślicu». Praciahnuć Aŭtazavodskuju liniju stancyjami «Krasny Bor» za «Kamiennaj Horkaj» i «Šabany» za «Mahiloŭskaj».
Ale raboty pakul nie viaduć. Pa słovach Pratasava, «mietro raźvivajecca ŭ adpaviednaści ź biahučaj horadabudaŭničaj situacyjaj i patrebami žycharoŭ», stancyi źjaŭlajucca tam, dzie jość vysokaja pasažyrskaja nahruzka.
Što tyčycca Zialonałužskaj linii, jakaja ciapier naličvaje siem stancyj, u tym liku try, jakija adkrylisia napiaredadni Novaha hoda, to mietrabudaŭniki pracujuć nad učastkam ad «Jubilejnaj płoščy» da budučaj stancyi «Park družby Narodaŭ» na płoščy Banhałor.
«Na hetym učastku niaprostyja inžynierna-hieałahičnyja ŭmovy: tam vysoki ŭzrovień hruntavych vod. Pryjdziecca ŭzvodzić vodaniepranikalnyja ścieny katłavanaŭ i vykarystoŭvać budaŭničaje vodapanižeńnie, prymianiać mahutnuju hidraizalacyju. Darečy, prachodku amal usich tunelaŭ na ŭčastku ažyćciavim nižej za ŭzrovień hruntavych vod», — patłumačyŭ Pratasaŭ.
Jon raskazaŭ i pra čaćviortuju, kalcavuju liniju mietro, pa jakoj ciapier viadziecca pieradprajektnaja prapracoŭka. Na joj praduhledžvajecca 17 stancyj ź pierahonami daŭžynioj 1,5-2 kiłamietry, a taksama adno ci dva depo.
«Hetaja padziemnaja trasa budzie efiektyŭna pracavać u spałučeńni z transpartna-pierasadačnymi vuzłami», — ličyć pradstaŭnik «Minskmietraprajekta».
Jon dadaje, što ŭźviadzieńnie čaćviortaj linii budzie niaprostym, pakolki zapatrabuje budaŭnictva vialikaj kolkaści pierasadkavych vuzłoŭ ź dziejnymi stancyjami astatnich linij, jakoje treba budzie vykanać biez prypynieńnia ruchu ciahnikoŭ.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary