«Biełarusy takija biełarusy». U tyktoku zachaplajucca, jak pasažyry dapamahli kiroŭcu tralejbusa ŭ Minsku
U tyktoku źjaviłasia videa, jak pasažyry tralejbusa tałakoj dapamahli kiroŭcu tralejbusa adoleć prablemu z tralejbusnymi vusami. Videa było źniata 3 lutaha ŭ Minsku.
«Dapamoha pobač. Usialakaje bačyła, ale jak pasažyry šturchajuć tralejbus — nie). Mužčyny mamientalna ź miescaŭ paŭskokvali, kab dapamahčy, nie pieravialisia jašče vołaty», — padpisała videa aŭtarka.
A na samim videa dadała: «Biełarusy takija biełarusy. Dapamahli pastavić na miesca tokapryjomnik, uhavorvać nie pryjšłosia».
Čytačy ŭ kamientarach vykazali padtrymku i zachapleńnie takimi pavodzinami.
«Što b ni kazali, ale my družny narod i hatovyja pryjści na dapamohu ŭ luboj situacyi».
«Ja pamiataju Chaŭjer, Mahiloŭ. Tady ŭsie šturchali tralejbusy, aŭtobusy, nikoha nie prasili».
«Vy jašče nie bačyli, jak pasažyry šturchali ŭ hałalod aŭtobus i biehli za im da nastupnaha prypynku».
«Pryjemna bačyć siabie ŭ takim videa. Ja ŭ žoŭtaj kurtcy». — «Vy ŭžo treci tut heta pišacie», — pierajšli na žarty ŭ kamientarach.
-
U harach Bałharyi za tydzień znajšli šeść trupaŭ. Miarkujuć, što troje zabili inšych traich. Ale chto tady zabiŭ ich samich?
-
Zorny biełaruski akcior Ihar Sihoŭ pajšoŭ u kiroŭcy aŭtobusa. Kaža, što heta lepš, čym u taksi
-
Mužčyna vyžyŭ paśla žudasnaha napadu akuły na Karybach. Jon padzialiŭsia, što ź im było
Kamientary