Švied: Uzrovień złačynnaści ŭ Biełarusi dasiahnuŭ svajho histaryčnaha minimumu
Mienš stała złačynstvaŭ suprać žyćcia i zdaroŭja, u tym liku, zabojstvaŭ, mienš ludziej paciarpieła ad kradziažoŭ, źnižeńnie złačynnaści adznačana va ŭsich rehijonach krainy, daje spravazdaču Hienprakuratura.
«U minułym hodzie ŭzrovień złačynnaści ŭ paraŭnańni z 2023 hodam źniziŭsia na 14 pracentaŭ i dasiahnuŭ svajho histaryčnaha minimumu», — cytuje hienprakurora Andreja Švieda BiełTA.
Ahulnaja kolkaść zarehistravanych u Biełarusi złačynstvaŭ u 2024 hodzie skłała 73,2 tys. Pavodle Hienprakuratury, źnižeńnie adznačana va ŭsich rehijonach.
Tak, źmienšyłasia na 13,7 pracenta (z 2852 da 2462) kolkaść asabliva ciažkich złačynstvaŭ. Skaraciłasia kolkaść zabojstvaŭ (z 224 da 175 abo na 21,9%), zhvałtavańniaŭ i hvałtoŭnych dziejańniaŭ sieksualnaha charaktaru (z 449 da 385 abo na 14,3%), kradziažoŭ (z 20708 da 14654 abo na 29,2%), rabavańniaŭ (z 988 da 713 abo na 27,8%).
Źmienšyłasia na 13,5 pracenta (z 13 661 da 11 813) kolkaść zarehistravanych złačynstvaŭ, učynienych u ałkaholnym stanie, a taksama hrupaj asob — na 10,9 pracenta (z 3424 da 3050).
U toj ža čas, kaža Švied, jość tendencyi, jakija vymahajuć uvahi. Heta, naprykład, dziejnaść kibiermachlaroŭ. «Ašukancy vielmi chutka aryjentujucca, ukaraniajuć u svaje złačynnyja schiemy roznyja varyjanty manipulacyj», — skazaŭ jon.
Akramia taho, prakuraturu niepakoić rost złačynnaści siarod niepaŭnaletnich: choć mienš niepaŭnaletnich i pryciahnuta da adkaznaści, ale złačynstvaŭ jany ŭčynili bolš.
«Nas taksama niepakojać pytańni, źviazanyja ź biaśpiekaj dziaciej. U minułym hodzie pavialičyłasia kolkaść dziaciej, jakija zahinuli ad roznych źniešnich pryčyn. Z hetym treba surjozna pracavać usim: i baćkam, i piedahoham, i hramadstvu — stvarać našym dzieciam biaśpiečnaje asiarodździe», — skazaŭ Andrej Švied.
-
Łukašenka zajaviŭ pra namier pieranosić u Biełaruś pareštki savieckich sałdat ź jeŭrapiejskich krain
-
U Maładziečnie razdavali sałdackuju kašu, pad daždžom vystraiłasia vialikaja čarha
-
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary