EPAM i Wargaming zapłacili samyja vialikija padatki siarod usich litoŭskich IT-kampanij
Treci hod zapar EPAM zastajecca lidaram pa kolkaści spłačanych padatkaŭ siarod usich litoŭskich IT-kampanij, paviedamlaje devby.io sa spasyłkaj na Dziaržaŭnuju padatkovuju inśpiekcyju pry litoŭskim Minfinie.
Na druhim miescy druhi hod zapar — Wargaming. Ale hetym razam biełaruskija kampanii prynieśli litoŭskaj ekanomicy mienš hrošaŭ, čym u 2023. Siarod mahčymych pryčyn — adtok śpiecyjalistaŭ ź litoŭskaj łakacyi.
Za 2024 hod EPAM Systems zapłaciła padatkaŭ na 7,8 młn jeŭra. Heta na 14% abo na 2,8 młn jeŭra mienš, čym u 2023 hodzie.
Jak adznačaje devby.io, siarod usich litoŭskich IT-kampanij ź biełaruskimi karaniami EPAM straciŭ u Litvie najbolšuju kolkaść supracoŭnikaŭ. Za minuły hod kamanda skaraciłasia amal na 180 čałaviek ci 12,5%.
Źnižeńnie padatkovych adličeńniaŭ nie pieraškodziła EPAM Systems uvajści ŭ top-100 najbujniejšych padatkapłacielščykaŭ Litvy.
Litoŭskaja dačka Wargaming pryniesła biudžetu krainy za minuły hod 13,3 młn jeŭra. Ale ŭ paraŭnańni z 2023 hodam padatkovyja adličeńni skaracilisia bolš čym na 10%.
Kolkaść supracoŭnikaŭ Wargaming u Litvie taksama skaračajecca: za adzin hod jana źmienšyłasia na 10%.
Pa vynikach śniežnia minułaha hoda Wargaming u Litvie ŭvajšoŭ u top-10 IT-kampanij ź biełaruskimi karaniami pa pamiery siaredniaj zarpłaty. Za apošni miesiac minułaha hoda siaredni zarobak tam pieravysiŭ 5,5 tysiačy jeŭra bruta.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?1
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1919
Kamientary