U Piersidskim zalivie z pačatku kanfliktu na Blizkim Uschodzie zachraśli 400 sudnaŭ i kala 6000 marakoŭ
Praz šeść miesiacaŭ paśla pačatku kanfliktu na Blizkim Uschodzie situacyja ŭ Armuzskim pralivie zastajecca niavyznačanaj. Kala 400 sudnaŭ i prykładna 6000 marakoŭ pa-raniejšamu nie mohuć biaśpiečna pakinuć Piersidski zaliŭ. Pra heta zajaviŭ hienieralny sakratar Mižnarodnaj marskoj arhanizacyi AAN (IMO) Arsienia Daminhies.
Pavodle słoŭ mižnarodnaha čynoŭnika, tysiačy marakoŭ u rehijonie praciahvajuć pracavać va ŭmovach pavyšanaj niebiaśpieki. Niekatorym sudnam razam z ekipažami ŭžo ŭdałosia vyjści z zaliva, adnak kala 400 sudnaŭ z pačatku kanfliktu tak i nie zmahli biaśpiečna prajści praz Armuzski praliŭ.
Arsienia Daminhies padkreśliŭ, što kryzis maje jak karotkaterminovyja, tak i doŭhaterminovyja nastupstvy. Pieraboi ŭ žyćciova važnych pastaŭkach paliva, uhnajeńniaŭ i inšych tavaraŭ upłyvajuć nie tolki na krainy rehijona, ale i na ekanomiki dy nasielnictva va ŭsim śviecie.
U lipieni Rada IMO pryniała rezalucyju ab abaronie važnych marskich šlachoŭ. U joj paćvierdžana, što prava na tranzitny prachod praź mižnarodnyja pralivy nie pavinna abmiažoŭvacca, parušacca abo prypyniacca.
Kiraŭnik IMO zaklikaŭ dziaržavy i pradstaŭnikoŭ sudnachodnaj haliny razam z AAN šukać praktyčnyja rašeńni, jakija dazvolać adnavić svabodu sudnachodstva praz Armuzski praliŭ. Jon taksama adznačyŭ, što paharšeńnie biaśpieki na marskich maršrutach — ad Čornaha i Čyrvonaha moraŭ da Adenskaha zaliva — stvaraje prablemy dla ŭsiaho śvietu i asabliva mocna zakranaje tysiačy marakoŭ, jakija nie majuć da kanfliktu dačynieńnia.
U kancy červienia IMO prypyniła apieracyju pa supravadžeńni sudnaŭ praz Armuzski praliŭ paśla paviedamleńnia pra napad na adno z sudnaŭ.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary