73-hadovy minčuk pieradaŭ afierystam 110 tysiač dalaraŭ, ich zatrymali
Mužčyna źniaŭ hrošy nie tolki sa svajho rachunku, ale i z rachunkaŭ synoŭ.
U milicyju źviarnuŭsia 73-hadovy mužčyna, jaki staŭ achviaraj telefonnych machlaroŭ. Na praciahu 10 dzion jon zastavaŭsia na suviazi sa złamyśnikami i ŭvieś hety čas apustašaŭ siamiejnyja rachunki, paviedamlaje pres-słužba MUS
Mužčynu ŭ miesiendžar pryjšło paviedamleńnie nibyta ad načalnika, što chutka ź im źviažucca milicyjanty. Minčuka pierakanali, što złačyncy vykarystoŭvajuć jaho rachunak dla «admyvańnia» hrošaj. Kab uratavać źbieražeńni, treba ich abnajavić i pieradać u Nacyjanalny bank. Prybyŭšy kurjer zabraŭ u achviary $60 tys.
Paśla minčuk sabraŭ astatnija źbieražeńni i źniaŭ z rachunkaŭ synoŭ i žonki bolš za 20 tys. jeŭra i $30 tys. Hetyja hrošy jon taksama pad roznymi padstavami pieradaŭ kurjeru. Supracoŭniki banka pieraścierahali klijenta, što jaho mohuć ašukoŭvać machlary, ale toj im nie pavieryŭ.
Śledčyja zatrymali kurjeraŭ va ŭzroście 32 i 42 hadoŭ. U adnaho ź ich było kanfiskavana kala $35 tys., jakija viernuć uładalniku.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary