Na Haradziejskim kambinacie vyrabili kubik rafinadu vahoj 135 kh
Na Haradziejskim cukrovym kambinacie pastavili rekord pa vieličyni zroblenaha kubika rafinadu. Pra heta raskazaŭ hałoŭny technołah AAT «Haradziejski cukrovy kambinat» Juryj Chmielinka. Atrymany pradukt zavažyŭ na 135 kiłahramaŭ.
Jak rastłumačyŭ Chmielinka, da hetaha pradpryjemstvu ŭdałosia vyrabić i samy maleńki kubik cukru vahoj kala troch hramaŭ.
«Pryjšła ideja zrabić adzin vialiki kubik adrazu. Viadoma, my chacieli zrabić kub mietr na mietr… Ale potym padumali, što heta troški prablematyčna. Heta ŭsio ŭručnuju pryjdziecca rabić. Jaho treba jašče i zamačyć, i vysušyć u peŭnym tempieraturnym režymie», — raskazaŭ hałoŭny technołah.
Jon rastłumačyŭ, što treba dakładna vytrymać tempieraturny režym pry sušcy. Kub cukru nie pavinien razvalicca. Nieabchodna taksama zachavać jaho hrani i koler. Tamu ŭ vyniku było vyrašana zrabić kub u dva razy mienšy.
Dla hetaha zakazali śpiecyjalnuju formu. Kub ź jaje dapamohaj rabili dva čałavieki — načalnik vytvorčaści i hałoŭny technołah.
Cukar zasypali ŭ formu jašče haračym. Jaho ŭvilhatniali i ŭkładali płast za płastom. Zatym sušyli kala dvuch tydniaŭ, i akazałasia, što ŭsia vada pajšła na dno formy.
«U vyniku my hety cukar potym pieraviarnuli, jašče dasušvali tydzień… Potym byli jašče, tak by mović, «tynkavyja» pracy i «malarnyja». Heta značyć, my začyščali jaho, šlifavali akuratnieńka», — dadaŭ pradstaŭnik kambinata.
U jakaści «tynkoŭki» vykarystoŭvali cukrovyja sirop i pudru. Heta značyć, što vialiki kub zrobleny całkam z naturalnaj syraviny i prydatny dla ŭžyvańnia ŭ ježu. Ale pakul što jaho vyrašyli pastavić na bačnym miescy na ŭvachodzie na pradpryjemstva.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary