Jak paviedamlaje polski spartyŭny resurs meczyki.pl, tranśfier biełaruskaha forvarda Illi Škuryna sa «Stali» z polskaha horada Mielec u varšaŭskuju «Lehiju» pavinien być zavieršany ŭ najbližejšyja hadziny.
25-hadovy biełarus budzie kaštavać «Lehii» kala 1,5 miljona jeŭra, što zrobić jaho najdaražejšym forvardam «Lehii» i trecim samym darahim unutranym tranśfieram u polskaj Ekstrakłasie.
Praces źmieny forvardam kłuba išoŭ u druhoj pałovie minułaha tydnia. Pieramovy byli niaprostyja, ale kłuby narešcie pryjšli da parazumieńnia. Paviedamlajecca, što Škuryn u sieradu pryjedzie na miedahlad i pavinien padpisać kantrakt da červienia 2028 hoda.
Dahetul Illa Škuryn byŭ klučavym hulcom «Stali» i hulaŭ praktyčna ŭsie matčy za kamandu ŭžo dva siezony zapar. Jon nie tolki časta bje pa varotach sam, ale i aktyŭna ŭdzielničaje ŭ stvareńni atak. U hetym siezonie jon zabiŭ užo 5 hałoŭ i addaŭ 2 pieradačy, u minułym było 18 hałoŭ i 5 pieradač.
Uletku, jak paviedamlajecca, Škuryn byŭ blizki da pierachodu ŭ hrečaski «Panacinaikos», a zimoj za im sačyli kłuby z Paŭdniovaj Karei.
Na hety momant varšaŭskaja «Lehija» maje najdaražejšy skład u lizie (pavodle Transfermarkt, jon kaštuje 35 miljonaŭ jeŭra). Škuryn aceńvajecca ŭ 2 miljony jeŭra i dobra viedaje polski čempijanat — jon užo zabivaŭ u varoty «Lehii».
Illa Škuryn zmoža hulać za «Lehiju» ŭ Ekstrakłasie i Kubku Polščy ŭžo ŭ hetym siezonie.
U 2020 hodzie Illa pieršym ź biełaruskich spartoŭcaŭ publična zajaviŭ, što admaŭlajecca vystupać za nacyjanalnuju kamandu na znak salidarnaści z demakratyčnymi pratestami ŭ Biełarusi.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary