Pa vulicy Miaśnikova, 5 u Minsku ŭzvodzicca Apielacyjny ekanamičny sud. Pra heta raspavioŭ pieršy namieśnik staršyni Viarchoŭnaha suda Biełarusi Valeryj Kalinkovič, paviedamlaje BiełTA.
Da 1 listapada płanujecca zaviaršyć budaŭnictva sučasnaha čatyrochpaviarchovaha budynka. U im budzie vosiem załaŭ sudovych pasiadžeńniaŭ, a na apošnim paviersie raźmieściać Departamient pa archivach i spravavodstvie.
Valeryj Kalinkovič adznačyŭ, što paralelna farmujecca kadravy skład dla novaha suda. Jak anansavałasia raniej, Apielacyjny ekanamičny sud pačnie pracu z 1 studzienia 2026 hoda.
Pra płany stvaryć Apielacyjny ekanamičny sud Valeryj Kalinkovič zajaŭlaŭ jašče dva hady tamu. Heta praduhledžana prajektam Kodeksa hramadzianskaha sudavodstva. Siońnia ekanamičnyja spravy ŭ pieršaj instancyi razhladajuć abłasnyja ekanamičnyja sudy, ale apielacyi pravodziacca ŭ hetych ža sudach śpiecyjalna pryznačanymi sudździami.
Z stvareńniem novaha suda apielacyjnaja instancyja budzie całkam adasoblena ad pracy suda pieršaj instancyi, jak u arhanizacyjnym płanie, tak i ŭ kadravym. U vyniku ŭ sistemie haspadarčych sudoŭ budzie vytrymany mižnarodny pryncyp «adzin sud — adna instancyja».
Kamientary