Parłamient Sierbii zaćvierdziŭ skład novaha ŭrada, sfarmavanaha novym premjer-ministram — doktaram-endakrynołaham Džura Macutam. Niahledziačy na raniej ahučanyja prezidentam Alaksandram Vučyčam abiacańni maštabnych kadravych pieramien, struktura kabinieta abnaviłasia niaznačna — bolšaść ministraŭ zachavali svaje pasady. Adnak klučavoj padziejaj stała vyklučeńnie z urada vice-premjera Alaksandra Vulina, adnaho z samych prykmietnych prarasijskich palitykaŭ krainy, piša The Moscow Times.
U kancy sakavika jeŭrakamisarka pa pytańniach pašyreńnia ES Marta Kos adkryta źviarnułasia da kiraŭnictva Sierbii z zaklikam nie ŭklučać Vulina ŭ novy skład urada.
«Spadziajusia, spadara Vulina nie budzie ŭ novym uradzie, bo toj, chto pavodzić siabie antyjeŭrapiejska, nie moža vieści Sierbiju ŭ ES», — zajaviła jana.
Padstavaj dla hetych słoŭ stała intervju Vulina rasijskamu dziaržahienctvu «RIA Naviny», u jakim jon vykazaŭ padziaku rasijskim śpiecsłužbam za dapamohu sierbskim uładam u padaŭleńni studenckich pratestaŭ.
Alaksandr Vulin uvachodziŭ u skład sierbskaha ŭrada na praciahu bolš za dziesiać hadoŭ — z 2013 hoda. Jon zajmaŭ pasady ministra abarony, ministra ŭnutranych spraŭ, a taksama ŭznačalvaŭ Ahienctva biaśpieki i infarmacyi — hałoŭnuju śpiecsłužbu krainy.
Viadomy svajoj žorstkaj antyjeŭrapiejskaj i demanstratyŭna prarasijskaj rytorykaj, Vulin nieadnarazova naviedvaŭ Maskvu i publična vykazvaŭ padtrymku Kramlu. U 2022 hodzie jon byŭ uniesieny ŭ sankcyjny śpis ZŠA pavodle abvinavačvańniaŭ u karupcyi, udziele ŭ mižnarodnym narkahandli i sadziejničańni «škodnaj dziejnaści Rasii na Bałkanach».
Vulin nie raz vykazvaŭsia rezka suprać intehracyi Sierbii ŭ Jeŭrapiejski Sajuz, śćviardžajučy, što kraina «nikoli nie stanie siabram ES», ale moža dałučycca da abjadnańnia BRIKS. Kamientujučy pratesty, jakija ŭspychnuli paśla trahičnaha abrynańnia bietonnaha kazyrka na čyhunačnym vakzale ŭ horadzie Novi-Sad, jaki zabraŭ žyćci 16 čałaviek, jon abvinavaciŭ Jeŭrasajuz u sprobie destabilizavać situacyju ŭ Sierbii.
Na jahonuju dumku, Brusel maje namier źmiaścić Alaksandra Vučyča z pasady prezidenta i pryvieści da ŭłady siły, jakija «hatovyja padzialić kaštoŭnaści ES». Da hetych «kaštoŭnaściaŭ» jon adnios pryznańnie niezaležnaści Kosava i ŭviadzieńnie sankcyj u dačynieńni da Rasii.
Rasijanie, nabližanyja da Kramla, sotniami atrymlivajuć sierbskija pašparty, jakija dajuć biaźviz u Jeŭrasajuz
Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii
Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ
Sierbija adklikała svoj hołas u padtrymku rezalucyi Hienasamblei AAN z asudžeńniem Rasii
Vučyč prakamientavaŭ 100-tysiačny pratest u Białhradzie
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary