Ivaniec raskazaŭ pra dvajnyja dypłomy biełaruskich vypusknikoŭ i čamu prablemna pryznavać polskuju i litoŭskuju adukacyju
Ministr adukacyi Andrej Ivaniec, vystupajučy ŭ prahramie «Skaži nie mołči» na telekanale «Biełaruś 1», razvažaŭ pra prablemu atrymańnia vyšejšaj adukacyi vypusknikami biełaruskich škoł za miažoj.
Čynoŭnik śćviardžaje, što atrymać biełarusu adukacyju za miažoj — heta nie soramna i nie strašna, ale važna viarnucca ŭ Biełaruś i prymianić atrymanyja viedy na radzimie.
Andrej Ivaniec padkreśliŭ, što hałoŭny stymuł, kab vypuskniki zastavalisia vučycca ŭ Biełarusi, — heta pavyšeńnie jakaści ajčynnaj adukacyi. Ź jakoj i tak usio, maŭlaŭ, u paradku, bo ź pieramožcaŭ alimpijad u 2024 hodzie 85% praciahnuli navučańnie ŭ Biełarusi, i viedamstva ciapier vyvučaje, kudy nakiravalisia astatnija 15%.
Zrešty, i tak viadoma, što mnohija abituryjenty vybirajuć rasijskija VNU, naprykład, Maskoŭski fizika-techničny instytut (MFTI), Maskoŭski dziaržaŭny techničny ŭniviersitet (MDTU) imia Baŭmana i inšyja. I ŭ hetym kantekście Biełaruś i Rasija raspracoŭvajuć sumiesnyja adukacyjnyja prahramy. Naprykład, BDU supracoŭničaje z MFTI, a BNTU — z MDTU.
Pa hetych prahramach, pa słovach Ivanca, studenty zmohuć vučycca i ŭ Biełarusi, i ŭ Rasii, atrymlivajučy dypłomy abiedźviuch krain. Heta, maŭlaŭ, dazvolić vykarystoŭvać mahčymaści rasijskich VNU i spryjać raźvićciu śpiecyjalistaŭ u Biełarusi.
U toj ža čas da pryznańnia ŭ Biełarusi vyšejšaj adukacyi, jakaja dajecca ŭ polskich i litoŭskich VNU, ministr stavicca skieptyčna. U viedamstva, maŭlaŭ, źviartajucca vypuskniki polskich i litoŭskich univiersitetaŭ z prośbaj pryznać ich dypłomy dla pracy ŭ Biełarusi, ale paraŭnańnie vučebnych prahram nie daje hetaha zrabić.
Pa słovach Andreja Ivanca, byvajuć vypadki, kali prahrama ŭ zamiežnym univiersitecie achoplivaje tolki kala pałovy taho, što vyvučajecca ŭ Biełarusi. U takich situacyjach dypłom nie pryznajecca. I ŭ niekatorych vypadkach nibyta praściej znoŭ pastupić u biełaruskuju VNU, naprykład, na zavočnaje navučańnie, čym «dapracoŭvać» tych śpiecyjalistaŭ, što pryjechali z Polščy ci Litvy.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary
Siońnia nie vyznačanyja ni mety, ni ideałohija.
"dajcie kredyt, kab zapłacić kredyt i jašče adkłaści ŭ arabski siejf" heta słabavata dla metaŭ dziaržaŭnaha budaŭnictva i adpaviedna nie patrabuje zabieśpiačeńnia adukacyjaj. Tamu našaja vyšejšaja škoła daŭno hulaje. Rytualna žujuć psieŭdanavukovuju žvačku časoŭ Stalina-Brežnieva, nu i hodzie, aby cicha.
Kaniešnie i forma i źmiest adroźnivajucca ad suśvietnaj adukacyi, i ŭsio dalej i dalej vypadajem pad adchon.