Śpiecpradstaŭnik Trampa: Ukrainie mohuć być nie patrebnyja ruskamoŭnyja rehijony
U svaju čarhu Donald Tramp zajaviŭ, što «na hetym tydni» Rasija pieradaść ZŠA adkaz na prapanovu ab «spynieńni ahniu» va Ukrainie.
«Ukrainie mohuć być nie patrebnyja ruskamoŭnyja rehijony. Z akupavanych piaci abłaściej Pucin moža atrymać častku terytoryj, ale nie ŭsie», — zajaviŭ śpiecpradstaŭnik Trampa Styŭ Uitkaf.
«I RF, i Ukraina zacikaŭlenyja ŭ hetych 5 rehijonach [vidać, majucca na ŭvazie Krym, Danieckaja i Łuhanskaja akupavanyja vobłaści, a taksama častka akupavanych Zaparožskaj i Chiersonskaj abłaściej,— NN].
Zaraz hałoŭnaja prablema — nie praciahłaja ahresija RF, a niežadańnie Ukrainy addavać ziemli», — skazaŭ jon.
U svaju čarhu Donald Tramp zajaviŭ, što «na hetym tydni» Rasija pieradaść ZŠA adkaz na prapanovu ab «spynieńni ahniu» va Ukrainie. Pra heta jon skazaŭ u Biełym domie padčas sustrečy z premjerkaj Italii Džordžaj Miełoni.
U Trampa spytali, u jaki momant jon prymie rašeńnie pra toje, ci hatovaja Rasija da spynieńnia ahniu — i, kali spatrebicca, uzmocnić suprać jaje sankcyi.
«Pabačym, čym heta skončycca. My atrymajem ad ich (Rasija) adkaz na hetym tydni, zusim chutka, i pabačym», — adkazaŭ prezident ZŠA.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury3
Kamientary
Biełarusam treba ŭrazumieć, što biez rodnaj movy jany chutka apynucca ŭ hniłoj impieryii škłamyjnych ałkaholikaŭ, kradziajoŭ i zabojc.