Abvieščany tradycyjny zbor na letni adpačynak dziaciej palitviaźniaŭ
Na kožnaje dzicia da 16 hadoŭ budzie vypłačana pa 100 jeŭra.
«Kali adzin z baćkoŭ apynajecca za kratami, a druhi vymušany ratavacca za miažoj, pakutujuć u pieršuju čarhu dzieci. Siońnia sotni siemjaŭ palitviaźniaŭ žyvuć u emihracyi, sutykajučysia ź finansavymi i pobytavymi prablemami. Ich dzieci pazbaŭlenyja svajho domu, suviaziaŭ i čaściakom samaha nieabchodnaha.
My adkryvajem tradycyjny zbor u padtrymku takich dziaciej. Heta nie abstraktnaja dabračynnaść, a kankretnaja dapamoha dzieciam, jakija prosta ciapier majuć patrebu ŭ našaj salidarnaści», — paviedamlaje Bajsoł.
Na kožnaje dzicia da 16 hadoŭ budzie vypłačana pa 100 jeŭra. Zajaŭki na atrymańnie dapamohi buduć prymacca da 18 maja ŭłučna.
Na što zazvyčaj iduć sabranyja srodki?
- — ekskursii, pajezdki, padarožžy, letnija dziciačyja łahiery;
- — Adukacyjnyja hurtki pa šachmatach, malavańni i inš.;
- —— Spartovyja siekcyi: basiejn, tenis, futboł;
- — Ryštunak dla hulniaŭ i sportu: miačy, krasoŭki, samakaty, rovary i h.d.
Chto moža padać zajaŭku na atrymańnie dapamohi?
— siemji palitviaźniaŭ ź dziećmi, u jakich adzin z baćkoŭ (ci aboje) znachodziacca ŭ źniavoleńni nie mienš za try miesiacy (u tym liku, na «chimii» z nakiravańniem, abo biez);
— byłyja palitviaźni ź dziećmi;
— baćki, jakija adbyvajuć «chatniuju chimiju» — pry hetym majuć invalidnaść, abo piensijaniery, albo vychoŭvajuć dziaciej da troch hadoŭ.
Dziciačaja akcyja arhanizoŭvajecca prajektam «Chutkaja humanitarnaja dapamoha», u jaki ŭvachodziać Fondy BYSOL, By_Help, «Kraina dla Žyćcia» i Dissidentby. Heta zbor pierad letnimi vakacyjami, jon skiravany na toje, kab biełarusy nie adčuvali siabie pakinutymi. Padtrymajcie hety zbor. Navat nievialiki ŭniosak moža źmianić čyjości žyćcio da lepšaha. Budziem pobač ź imi, pakul jany nie doma!
Kab atrymać dapamohu, treba zapoŭnić formu. Kali vy pieražyvajecie za vašu biaśpieku, to zapaŭniajcie jaje, nie dasyłajučy dakumienty. Z vami źviažacca i ŭdakładniać nieabchodnuju infarmacyju ŭ listavańni.
Suma zboru ŭklučaje kamisii i zbory banka i płaciežnych sistem.
Zajaŭki prymajucca ad baćkoŭ, jakija znachodziacca jak u Biełarusi, tak i za jaje miežami.
Padtrymać zbor
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary