Rasijski rehijanalny deputat z 2021 hoda žyvie va Ukrainie i pracuje dystancyjna adtul, padtrymlivajučy Pucina i vajnu
17 krasavika 2025 hoda rehijanalnaje vydańnie Zab.ru paviedamiła, što deputat savieta Kałarskaj municypalnaha akruhi z Zabajkalskaha kraju Michaił Nosik užo niekalki hadoŭ žyvie va ŭkrainskim horadzie Dniapro, adkul dystancyjna vykonvaje svaje abaviazki. Heta stała viadoma dziakujučy rašeńniu kamisii pa etycy, kopija jakoha trapiła ŭ rasparadžeńnie žurnalistaŭ, piša Meduza.
Michaił Nosik patłumačyŭ, što vyjechaŭ u Dniapro ŭ 2021 hodzie dla lačeńnia ankałahičnaha zachvorvańnia. Paśla pačatku poŭnamaštabnaha ŭvarvańnia Rasii va Ukrainu jon sprabavaŭ źviarnucca pa dapamohu ŭ MZS Rasii i ambasadu ŭ Turcyi, ale dapamohi nie atrymaŭ. Deputat adznačyŭ, što ciapier vymušany chavacca jak ad ukrainskich palicyi i vojska, tak i ad rasijskich uładaŭ. U jaho niama ŭkrainskaha hramadzianstva ci dazvołu na žycharstva.
Niahledziačy na heta, Nosik udzielničaje ŭ pasiadžeńniach savieta pa videasuviazi praz Telegram, hałasuje pa roznych pytańniach i navat viadzie pryjomy hramadzian. Jon padkreśliŭ svaju padtrymku «śpiecyjalnaj vajennaj apieracyi» i Uładzimira Pucina.
Zarobku za svaju pracu jon, pa ŭłasnych słovach, nie atrymlivaje, a žyvie na piensiju ŭ 27000 rasijskich rubloŭ (kala 280 dalaraŭ). Z-za adsutnaści hrašovych pieravodaŭ pamiž krainami jamu davodzicca kanviertavać rubli ŭ bitkojny, a potym u hryŭni — ź finansavymi stratami. Tym nie mienš, jak śćviardžaje telehram-kanał Baza, saviet usio ž vypłačvaje jamu kala 2—3 tysiač rubloŭ (kala 20-30 dalaraŭ) u miesiac.
Nosik zajaviŭ, što nie źbirajecca składać deputackija paŭnamoctvy, jakija zakančvajucca ŭ śniežni 2025 hoda. Jon tłumačyć heta tym, što status deputata moža być karysnym u vypadku jahonaha zatrymańnia, u tym liku dla abmienu. Hałoŭnaje ž: «Ja liču, što pracuju nie horš za inšych».
Kamisija pa etycy, adnak, paličyła, što žyćcio va Ukrainie stvaraje pahrozu dla biaśpieki Nosika i pieraškadžaje jamu naležnym čynam pradstaŭlać intaresy vybarščykaŭ. Jana rekamiendavała daterminova spynić jahonyja paŭnamoctvy, ale bolšaść kaleh prahałasavała suprać, i Nosik zastaŭsia na pasadzie.
Kiraŭnik Kałarskaha savieta Arkadź Hromaŭ paćvierdziŭ, što Nosik znachodzicca va Ukrainie i viarnucca nie moža. Jon padkreśliŭ, što jon, maŭlaŭ, zasłužany čałaviek, invalid, likvidatar avaryi na ČAES i były aficer. Jon dadaŭ, što ŭdzieł u pasiadžeńniach pa videasuviazi nie zabaronieny i što «Nosik zaŭsiody na suviazi».
Hromaŭ paviedamiŭ, što źviartaŭsia ŭ FSB, administracyju hubiernatara i inšyja orhany, ale nijakaha rašeńnia nie było znojdziena. Jon taksama vykazaŭsia, što čałaviek, jaki paviedamiŭ pra miescaznachodžańnie Nosika, zrabiŭ nieprystojna i pastaviŭ jahonaje žyćcio pad niebiaśpieku.
U Rasii zatrymali byłoha hubiernatara Kurskaj vobłaści
Aryštavali ŭ Polščy i departavali ŭ Kijeŭ ukrainskaha palitołaha, pastajannaha ŭdzielnika rasijskich prapahandysckich šou
Davydźka pajechaŭ u Rasiju pabiracca pa starych siabrach i pierastaŭ płacić za mabilny — jaho padchapiŭ kryptabiznesmien
Stała viadoma pra 45 rasijskich hienierałaŭ, jakija lačylisia ŭ špitalach z pačatku vajny, u tym liku ŭ Biełarusi
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta37
Kamientary
Kak i Viačiesłav Sivčik, eto tožie jarkij primier čiełovieka, kotoryj budiet sozdavať Novuju Biełaruś.
Biełarusy jak Vy miažu Ukraina pieriesiekli??
U Dniapre pryfryntavym žyvie piaty hod ni majučy ničoha ?? Au sbU palicaj- milicyja i pilnyja hramadzianie ..
Zakonapasłuchmianym pryjaznym da Ukraina biełarusam pytańnie ..mahčyma 5 hod v Ukrainie biez ..usiaho ?? Kali nima žadańnia raźličvacca € kaštoŭnaściami ci $ harantavanymi za vykanańnie Zakona i pa Pravu ...