U centry Vilni na ścianie budynka EHU znoŭ źjaviŭsia pravakacyjny nadpis FOTA
Hetym razam nadpis «Vilnia naša» ź bieł-čyrvona-biełym ściaham zaŭvažany ŭ Starym horadzie, na domie z adrasam Saviča (Savičiaus), 17.
U hetym budynku mieścicca Jeŭrapiejski humanitarny ŭniviersitet, a niepadalok znachodziacca biełaruskaja suvienirnaja krama «Kropka» i karčma «1863».
Vypadki padobnaha kštałtu zdarajucca ŭ Vilni rehularna. Apošni byŭ zafiksavany miesiac tamu na budynku EHU. Vinavatych, adnak, nikoli nie znachodziać.
Jość arhumientavanyja padazreńni, što hetyja pravakatyŭnyja nadpisy robiacca śpiecyjalna dla taho, kab vyklikać niehatyŭnaje staŭleńnie da biełarusaŭ, jakija žyvuć u Litvie, z boku litoŭskich uładaŭ i hramadstva. U svoj čas my prasačyli navat, jak ich zamaŭlajuć.
Paraŭnoŭvajučy nadpisy, možna zaŭvažyć, što jany, chutčej za ŭsio, robiacca adnoj rukoj. Pry hetym «š» i «ł» pišucca tak, jak pišuć ich ludzi, jakija karystajucca łacinicaj i nie viedajuć kirylicy.
Časta ŭ Vilni fiksujucca i nadpisy na litoŭskaj movie, abraźlivyja ŭ dačynieńni da biełarusaŭ. Mnohaje śviedčyć, što ich zamoŭcami vystupajuć zamiežnyja śpiecsłužby, adnak vykanaŭcaŭ jašče taksama ni razu nie vyjavili.
Samyja śviežyja vypadki padobnaha kštałtu — raśpisvańnie dźviarej karčmy «1863» 5 listapada 2024 hoda i padpał dźviarej Biełaruskaha doma nočču 26 kastryčnika. Raniej akty vandalizmu ŭčynialisia suprać taho samaha Biełaruskaha doma, kramy «Kropka», jakuju trymaje były palitviazień ź Biełarusi, i kaplicy biełaruskaj pravasłaŭnaj parafii Kanstancinopalskaha patryjarchata, kala ofisa «Dapamohi» i na ścianie kala EHU. Taksama niadaŭna była apahanienaja mahiła kalinoŭca Alaksandra Caruka na vilenskich mohiłkach.
U centry Vilni źjaviŭsia nadpis «Vilnia naša» pa-biełarusku. Ale da maniery napisańnia jość vialikija pytańni
Na ŭjeździe ŭ Vilniu namalavali nadpis «Vilnia naša» z bčb-ściaham. Voś jak zamaŭlajuć takija hrafici
Voś što varta raskazać litoŭcam pra «Pahoniu»
U Vilni na EHU znoŭ źjaviŭsia pravakacyjny nadpis
U Vilni znoŭ źjaviŭsia antybiełaruski nadpis na dźviarach biełaruskaj ustanovy FOTA
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary